________________ --- ताव अाहा खत्तियकमारे शव वयह एवं दान, एवं खलु वाण परलो -334 ] [ श्रीमदागमसुधासिन्धुः द्वितीयो विभागः अच्छेज्जेइ वा अणिसटे इ वा अभिहडेइ वा कतारभत्तेइ वा दुभिक्खभत्तेइ वा गिलाणभत्तेइ वा वदलियाभत्तेइ वा पाहुणगभत्तेइ वा सेजायरपिंडेइ वा रायपिंडेइ वा मूलभोयणेइ वा कंदभोयणेइ वा फलभोयणेइ वा बीयभोयणेइ वा हरियभोयणेइ वा भुत्तए वा पायए वा, तुमं च णं जाया ! सुहसमुचिए णो चेव णं दुहसमुचिते नालं सीयं नालं उराहं नालं खुहा नालं पिपासा नालं चोरा नालं वाला नालं दंसा नालं मसया नालं वाइय-पित्तिय-सेंभिय-सन्निवाइए विविहे रोगायके परीसहोवसग्गे उदिन्ने अहियासेत्तए, तं नो खलु जाया ! अम्हे इच्छामो तुझ खणमवि विप्पयोगं तं अच्छाहि ताव जाया ! जाव ताव अम्हे जीवामो, तो पच्छा अम्हेहिं जाव पव्वइहिसि 12 / तए णं से जमाली खत्तियकुमारे अम्मापियरो एवं वयासी-तहावि णं तं अम्म ! ताश्रो ! जन्नं तुझे ममं एवं वयह-एवं खलु जाया / निग्गंथे पावयणे सच्चे अणुत्तरे केवले.तं चेव जाव पव्वइहिसि, एवं खलु अम्मतायो ! निग्गंथे पावयणे कीवाणं कायराण कापुरिसाणं इहलोग-पडिबद्धाणं परलोगपरंमुहाणं विसयतिसियाणं दुरणुचरे पागयजणस्स धीरस्स निच्छियस्स ववसियस्त नो खलु एत्थं किंचिवि दुकरं करणयाए, तं इच्छामि णं अम्म ! तायो ! तुज्झहिं अब्भणुनाए समाणे समणस्स भगवत्रो महावीरस्स जाव पव्वइत्तए 13 / तए णं जमालिं खत्तियकुमारं अम्मापियरो जाहे नो संचाएंति विसयागुलोमाहि य विसयपडिकूलाहि य बहूहि य ाघवणाहि य पनवणाहि य 4 श्राघवेत्तए वा जाव विनवेत्तए वा ताहे अकामए चेव जमालिस्स खत्तियकुमारस्स निक्खमणं अणुमन्नित्था 14 // सूत्रं 384 // तए णं तस्स जमालिस्स खत्तियकुमारस्स पिया कोडबियपुरिसे सद्दावेइ सद्दावेत्ता एवं वयासी-खिप्पामेव भो देवाणुप्पिया! खत्तियकुडग्गामं नगरं सभितर. बाहिरियं आसिय-संमजियोवलितं जहा उववाइए जाव पञ्चप्पिणंति 1 / तए णं से जमालिस्स खत्तियकुमारस्स पिया दोच्चपि कोडुबियपुरिसे सदावेइ
