________________ 200 ] / भोमदागमसुधासिन्धुः। द्वितीयो विभागा एकारस परीसहा पराणत्ता, नव पुण वेदेइ, सेसं जहा छबिहबंधगस्स 13 / श्रबंधगस्स णं भंते ! अजोगिभवत्थकेवलिस्स कति परीसहा पराणता ?, गोयमा ! एकारस परीसहा पराणत्ता, नव पुण वेदेइ, जं समय सीयपरीसहं वेदेति नो तं समयं उसिणपरीसहं वेदेइ जं समयं उसिणपरीसहं वेदेति नो तं समयं सीयपरीसहं वेदेड, जं समयं चरियापरीसहं वेदेइ नो तं समयं सेनापरीसहं वेदेति जं समयं सेनापरीसहं वेदेइ नो तं समयं चरियापरीसहं वेदेइ 14 // सूत्रं 343 // जंबुद्दीवे णं भंते ! दीवे सूरिया उग्गमणमुहुत्तंसि दूरे य मूले य दीसंति मझतियमुहुत्तंसि मूले य दूरे य दीसंति अत्थमणमुहुतंसि दूरे य मूले य दीसंति ?, हंता गोयमा ! जंबुद्दीवे णं दीवे सूरिया उग्गमणमुहुत्तंसि दूरे य तं चेव जाव अत्थमणमुहुतंसि दूरे य मूले य दीसंति 1 / जंबुद्दीवे णं भंते ! दीवे सूरिया उग्गमणमुहुत्तंसि मझसि य मुहुत्तंसि य अत्थमणमुहुत्तंसि य सव्वत्थ समा उच्चत्तेणं ?, हंता गोयमा ! जंबुद्दीवे णं दीवे सूरिया उग्गमण जाव उच्चत्तेणं 2 / जइ णं भंते ! जंबुद्दीवे 2 सूरिया उग्गमणमुहुत्तंसि य मझतियमुहत्तंसि य अत्थमणमुहुत्तसि य जाव उच्चत्तेणं से केणं खाइ अटेणं भंते ! एवं वुच्चइ जंबुद्दीवे णं दीवे सूरिया उग्गमणमुहुत्तंसि दूरे य मूले य दीसंति जाव अत्थमणमुहुत्तंसि दूरे य मूले य दीसंति ?, गोयमा ! [ ग्रन्थागं 5000 ] लेसापडिघाएणं उग्गमणमुहत्तंसि दूरे य मूले य दीसंति लेसाभितावेणं मझतियमुहुत्तंसि मूले य दूरे य दीसंति लेस्सापडिघाएणं अत्थमणमुहुत्तसि दूरे य मूले य दीसंति, से तेणटेणं गोयमा ! एवं बुच्चइ-जंबुद्दीने णं दीवे सूरिया उग्गमणमुहुत्तंसि दूरे य मूले य दीसंति जाव अत्थमण जाव दीसंति 3 / जंबुद्दीवे णं भंते ! दीवे सूरिया किं तीयं खेतं गच्छति पडुप्पन्न खेत्तं गच्छति श्रणागयं खेत्तं गच्छति ?, गोयमा ! णो तीयं खेत्तं गच्छंति पडुप्पन्नं खेत्तं गच्छंति णो अणागयं खेत्तं गच्छति /
