________________ 264.] मदागमसुधासिन्धुः द्वितीयो विभागः तिविहं तिविहेणं संजय जाब एगंतपंडिया यावि भवामो, तुझे णं अजो! अप्पणा चेव तिविहं तिविहेणं अस्संजय जाव बाला यावि भवह. 13 / तए णं ते अन्नउस्थिया ते थेरे भगवंते एवं वयासी-केण कारणेणं अजो ! अम्हे तिविहं तिविहेणं जाव एगंतबाला यावि भवामो ?, तए णं ते थेरा भगवंतो ते अन्नउत्थिए एवं वयासी-तुझे णं अजो ! रीयं रीयमाणा पुढविं पेच्चेह जाव उपद्दवेह, तए णं तुज्मे पुढविं पेञ्चेमाणा जाव उवद्दवेमाणा तिविहं तिविहेणं जाक एगंतबाला यावि भवह 14 / तए णं ते अन्नउत्थिया ते थेरे भगवंते एवं वयासी-तुन्झे णं अजो गममाणे अगते वीतिकमिजमाणे प्रवीतिक्कते रायगिहं नगरं संपाविउकामे असंपत्ते ? तए णं ते थेरा भगवंतो ते अन्नउथिए एवं :वयासी-नो खलु अजो! अम्हं गममाणे अगए वीइकमिजमाणे श्रवीतिक्कते रायगिहं नगरं जाव असपत्ते, श्रम्हा णं अजो ! गममाणे गए वीतिकमिजमाणे वीतिक्कते रायगिहं नगरं संपाविउकामे संपत्ते, तुझे णं अप्पणा चेव गममाणे अगए वीतिकमिजमाणे अवीतिक्कते रायगिह नगरं जाव असंपत्ते 15 / तए णं ते थेरा भगवंतो ते अन्नउत्थिए एवं पडिहणेन्ति पडिहणित्ता गइप्पवायं नाम श्रझवणं पनवइंसु 16 // सूत्रं 337 // कइविहे णं भंते ! गइप्पवाए पराणत्ते ?, गोयमा ! पंचविहे गइपवाए पराणत्ते, तंजहा–पयोगगती ततगती बंधणछेयणगती उववायगती विहायगती, एत्तो पारम्भ पयोगपयं निरवसेसं भाणियब्वं, जाव सेतं विहायगई / सेवं भंते ! सेवं भंते ! त्ति जाव विहरति // सूत्र 338 // अट्ठमसयस्स सत्तमो // // इति अष्टमशतके सप्तम उद्देशकः // 8-7 //
