________________ श्रीमद्व्याख्याप्राप्ति (श्रीमद्भगवती) सूत्र : शतकं 6 : उ०१] [119 खंजणागरते ?, भगवं ! तत्थ णं जे से वत्थे कद्दमरागरत्ते से णं वत्थे दुधोयतराए चेव दुवामतराए चेव दुप्परिकम्मतराए चेव 4 / एवामेव गोयमा ! नेरझ्याणं पावाई कम्माई गाढीकयाई चिकणीकयाइं (थ) सिढिलीकयाई खिलीभूयाई भवंति संपगादपि य णं ते वेदणं वेदेमाणा णो महानिजरा णो महापज्जवसाणा भवंति, से जहा वा केइ. पुरिसे अहि. गरणीं श्राकोडेमाणे महया 2 सहणं महया 2 घोसेणं महया 2 परंपराघाएणं णो संचाएइ तीसे अहिगरणीए केई अहाबायरे पोग्गले परिसाडित्तए एवामेव गोयमा ! नेरइयाणं पावाई कम्माइं गाढीकयाइं जाव नो महापजवसाणाई भवंति 5 / भगवं ! तत्थ जे से वत्थे खंजणरागरते से णं वत्थे सुधोयतराए चेव सुवामतराए चेव सुपरिकम्मतराए चेव, एवामेव गोयमा ! समणाणं निग्गंथाणं अहाबायराइं कम्माई सिढिलीकयाइं निट्ठियाई कयाम्मा(डा)ई विप्परिणामियाई खिप्पामेव विद्धत्थाई भवंति, जावतियं तावतियं पिणं ते वेदणं वेदेमाणे महानिजरा महापजवसाणा भवंति, से जहानामए-केइ पुरिसे सुकतणहत्ययं जायतेयंसि पक्खिवेजा से नूणं गोयमा ! से सुक्के तणहत्थए जायतेयंसि पक्खित्ते समाणे खिप्पामेव मसमसाविजति ?, हता मसमसाविजति 6 / एवामेव गोयमा ! समणाणं निग्गंथाणं अहाबायराइ कम्माई जाव महापजवसाणा भवंति, से जहानामए केइ पुरिसे तत्तंसि अयकवल्लंसि उदगबिंदू जाव हंता विद्धंसमागच्छइ, एवामेव गोयमा ! समणाणं निग्गंथाणं जाव महापज्जवसाणा भवंति 7 / से तेणटेणं जे महावेदणे से महानिजरे जाव निजराए 8 // सूत्रं 221 // कतिविहे णं भंते ! करणे पन्नत्ते ?, गोयमा ! चउविहे करणे पन्नत्ते, तंजहा-मणकरणे वइकरणे कायकरणे कम्मकरणे 1 ।णेरइयाणं भंते ! कतिविहे करणे पन्नत्ते ?, गोयमा ! चउब्विहे पन्नत्ते, तंजहा-मणकरणे वइकरणे कायकरणे कम्मकरणे 2 / पंचिंदियाणं सव्वेसिं चउबिहे करणे पन्नत्ते 3 / एगिदियाणं
