________________ श्रीमद्व्याख्याप्रज्ञप्ति (श्रीमद्भगवती) सूत्र :: शतकं 5 : उ० 1 ] [ 163 उप्पजिसु वा 3 ?, विगच्छिसु वा 3?, हंता अजो ! असंखेज्जे लोए अणंता रातिदिया तं चेव 1 / से केणढणं जाव विगच्छिस्संति वा ?, से नूणं : भंते अजो ! पासेणं अरहया पुरिसादाणीएणं सासए लोए वुइए अणादीए अणवदग्गे परित्ते परिवुडे हेट्ठा विच्छिराणे मज्झे संखित्ते उप्पिं विसाले अहे पलियंकसंठिए मज्झे वरवइरविग्गहिते उप्पिं उद्धमुइंगाकारसंठिए, तेसिं च णं सासयंसि लोगंसि प्रणादियंसि अणवदग्गंसि परित्तंसि परिवुडंसि हेट्ठा विच्छिन्नंसि मज्झ संखित्तंसि उप्पिं विसालंसि अहे पलियंकसंठियंसि मज्झ वरवइरविग्गहियंसि उप्पिं उद्धमुइंगाकारसंठियंसि अणंता जीवघणा उप्पजित्ता 2. निलीयंति परित्ता जीवघणा उप्पजित्ता 2 निलीयंति, से नूणं भुए उप्पन्ने विगए परिणए अजीवेहिं लोकति पलोकइ, जे लोकइ से लोए ?, हंता भगवं भिंते] !, से तेण?णं अजो ! एवं वुच्चइ असंखेज्जे तं चेव 2 / तप्पभितिं च णं ते पासावच्चेजा थेरा भगवंतो समणं भगवं महावीरं पञ्चभिजाणंति सव्वन्नू सबदरिसी [पं० 3000 ], तए णं ते थेरा भगवंतो समणं भगवं महावीरं वंदंति नमसंति 2 एवं वदासि-इच्छामि णं भंते ! तुभं अंतिए चाउजामायो धम्माश्रो पंचमहव्वइयं सप्पडिकमणं धम्म उवसंपजित्ता णं विहरित्तए, अहासुहं देवाणुप्पिया ! मा पडिबंध करेह, तए णं ते पासावच्चिजा थेरा भगवंतो जाव चरिमेहिं उस्सासनिस्सासेहिं सिद्धा जाव सव्वदुक्खप्पहीणा, अत्थेगतिया देवा देवलोएसु उववन्ना 3 // सूत्रं 226 // कतिविहा णं भंते ! देवलोगा पराणता ?, गोयमा ! चउबिहा देवलोगा पराणत्ता, तंजहा-भवणवासी-वाणमंतर-जोतिसिय-वेमाणियभेदेण, भवणवासी दसविहा वाणमंतरा अट्टविहा जोइसिया पंचविहा वेमाणिया दुविहा 1 / गाहा-किमियं रायगिहंति य उज्जोए अंधयार समए य / पासंतिवासि पुच्छा रातिदिय देवलोगा य॥ 1 // सेवं भंते !
