________________ श्रीमव्याख्याप्रज्ञप्ति (श्रीमद्भगवति) सूत्र : शतकं 3 : उ० 2. ] मंतुतिकटु तं अणिट्ट अकंत अप्पियं असुभं श्रमणुराणां श्रमणाम फरसं गिरं निसिरइ 13 / तए णं से सक्के देविंदे देवराया तं अणि? जाव अमणामं अस्तुयपुव्वं फरुसं गिरं सोचा निसम्म आसुरुत्ते जाव मिसिमिसेमाणे तिवलियं भिउडि निडाले साहटु चमरं असुरिंदं असुररायं एवं वदासी-हं भो चमरा ! असुरिंदा ! असुरराया ! अपत्थियपत्थया ! जाव हीणपुनचाउद्दस्सा अज्जं न भवसि नाहि ते सुहमत्थीत्तिकटु तत्थेव सीहासणवरगए वज्ज परामुसइ 2 तं जलंतं फुडतं तडतडतं उकासहस्साई विणिम्मुयमाणं जालासहस्साई पमुचमाणं इंगालसहस्साइं पविक्खिरमाणं 2 फुलिंगजालामालासहस्सेहिं चक्खुविखेव-दिट्ठिपडिघायं पकरेमाणं हुयवहअइरेगते-दिप्पंतं जतिणवेगं फुल्लकिंसुयसमाणं महन्भयं भयंकरं चमरस्स असुरिंदस्स असुररन्नो वहाए वज्ज निसिरइ 14 / तते णं से चमरे असुरिंदे असुरराया तं जलंतं जाव भयंकरं वजमभिमुहं श्रावयमाणं पासइ पासित्ता झियाति पिहाइ झियायित्ता पिहाइत्ता तहेव संभग्गमउडविडए सालंबहत्थाभरणे उट्ठपाए अहोसिरे कक्खागयसेपि व विणिम्मुयमाणे 2 ताए उकिट्ठाए जाव तिरियमसंखेजाणं दीवसमुदाणं मझमज्झेणं वीईवयमाणे 2 जेणेव जंबूद्दीवे 2 जाव जेणेव असोगवरपायवे जेणेव मम अंतिए तेगोव उवागच्छइ 2 ता भीए भयगग्गरसरे भगवं सरणमिति बुयमाणे ममं दोराहवि पायाणं अंतरंसि झत्ति वेगेण समोवडिए 15 // सू० 144 // (ग्रन्थाग्रं 2000) तए णं तस्स सकस्स देविंदस्स देवरन्नो इमेयारूवे अज्मथिए जाव समुप्पन्जित्था-नो खलु पभू चमरे असुरिंदे असुरराया, नो खलु समत्थे चमरे असुरिंदे असुरराया, नो खलु विसए चमरस्स असुरिंदस्स असुररन्नो अप्पणो निस्साए उड्ड उप्पइत्ता जाव सोहम्मो कप्पो 1 / णरणत्थ अरिहंते वा अरिहंतचेइयाणि वा अणगारे वा भावियप्पणो णीसाए उट्ठ उप्पयति जाव सोहम्मो कप्पो, तं महादुम्खं खलु तहाख्वाणं अरहंताणं
