________________ श्रीमद्व्याख्याप्रज्ञप्ति (श्रीमद्भगवति) सूत्र :: शतकं 3 : उ० 1] वा 2 / जति णं भंते ! चमरस्स असुरिंदस्स असुररन्नो लोगपाला देवा एवंमहिड्डीया जाव एवतियं च णं पभू विउवित्तए 3 / चमरस्स णं भंते ! यसुरिंदस्स असुररन्नो अग्गमहिसीयो देवीयो केमहिड्डीयायो जाव केवतियं च णं पभू विकुवित्तए ?, गोयमा ! चमरस्स णं असुरिंदस्स असुररन्नो अग्गमहिसीयो महिंड्डीयायो जाव महाणुभागायो, तायो णं तत्थ साणं 2 भवणाणं साणं 2 सामाणियसाहस्सीणं साणं 2 महत्तरियाणं साणं 2 परिसाणं जाव एमहिड्डियायो अन्नं जहा लोगपालाणं अपरिसेसं 4 / सेवं भंते ! 2 ति 5 // सूत्रं 127 // भगवं दोच्चे गोयमे समणं भगवं महावीरं वंदइ नमसइ 2 जेणेव तच्चे गोयमे वायुभूतियणगारे तेणेव उवागच्छति 2 तच्चं गोयमं वायुभूति गुणगारं एवं वदासि-एवं खलु गोयमा ! चमरे असुरिंदे असुरराया एवंमहिड्डीए तं चेव एवं सव्वं अपुट्ठवागरणं नेयव्वं अपरिसेसियं जाव अग्गमहिसीणं वत्तव्वया समता 1 / तए णं से तच्चे गोयमे वायुभूती अणगारे दोचस्स गोयमस्स अग्गिभूइस्स अणगारस्स एवमाइक्खमाणस्स भासमाणस्स पराणवमाणस्स परूवमाणस्स एयमटुं नो सहहइ नो पत्तियइ नो रोयइ एयम? असदहमाणे अपत्तियमाणे अरोएमाणे उट्टाए उठेइ 2 जेणेव समणे भगृवं महावीरे तेणेव उवागच्छइ जाव पज्जुवासमाणे एवं बयासी-एवं खलु भंते ! दोच्चे गोयमे अग्गिभूतियणगारे मम एवमातिक्खइ भासइ पनवेइ परूवेइ-एवं खलु गोयमा ! चमरे असुरिंदे असुरराया महिड्डीए जाव महाणुभावे से णं तत्थ चोत्तीसाए भवणावाससयसहस्साणं एवं तं चेव सव्वं अपरिसेसं भाणियव्वं जाव अग्गमहिसीणं वत्तव्वया समत्ता 2 / से कहमेयं भंते ! एवं ? गोयमादि ! समणे भगवं महावीरे तच्चं गोयमं वाउभूति अणगारं एवं वदासि-जराणां गोयमा ! दोच्चे गोयमे अग्गिभूइयणगारे तव एवमातिक्खइ ४-एवं खलु गोयमा !
