________________ श्रीमत्स्थानाङ्गसूत्रम् :: अध्ययनं 4 ] [ 351 वेयणं नो सम्मं सहामि खमामि तितिक्खेमि अहियासमि, ममं च णं अब्भोवगमियो जाव सम्ममसहमाणस्स अक्खममाणस्स अतितिक्खमाणस्स अणहियासेमाणस्स किं मन्ने कजति ? एगंतसो मे पावे कम्मे कन्जति, ममं च णं अभोवगमियो जाव सम्मं सहमाणस्स जाव अहियासेमाणस्स किं मन्ने कन्जति ?, एगंतसो मे निजरा कजति चउत्था सुहसेज्जा 4, 2 / ॥सू० 325 // चत्तारि वायगिाजा पन्नत्ता, तंजहा-यविणीए वीगईपडिबद्धे अवियोसवितपाहुडे माई 1 / चत्तारि वातणिज्जा पनत्ता, तंजहा-विणीते अवि. गतीपडिबद्धे वितोसवितपाहुडे अमाती 2 ॥३२६॥चत्तारि पुरिसजाया पन्नत्ता, तंजहा-यातंभरे नाममेगे नो परंभरे परंभरे नाममेगे नो यातंभरे एगे अातंभरेऽवि परंभरेऽवि एगे नो अायंभरे नो परंभरे, 1 / चत्तारि पुरिसजाया पन्नत्ता तंजहा-दुग्गए नाममेगे दुग्गए दुग्गए नाममेगे सुग्गते सुग्गते नाममेगे दुग्गए सुग्गए नाममेगे सुग्गए, 2 / चत्तारि पुरिसजाया पन्नत्ता, तंजहादुग्गते नाममेगे दुव्वए दुग्गए नाममेगे सुव्वए सुग्गए नाममेगे दुव्वते सुग्गए नाममेगे सुव्वए 4, 3 / चत्तारि पुरिसजाया पन्नत्ता, तंजहा-दुग्गते नाममेगे दुप्पडिताणंदे दुग्गते नाममेगे सुप्पडिताणंदे 4, 4 / चत्तारि पुरिसजाया पन्नत्ता, तंजहा-दुग्गते नाममेगे दुग्गतिगामी दुग्गए नाममेगे सुग्गतिगामी 4, 5 / चत्तारि पुरिसजाया पन्नत्ता, तंजहा--दुग्गते नाममेगे दुग्गतिंगते दुग्गते नाममेगे सुगतिं गते 4, 6 / चत्तारि पुरिसजाता पन्नत्ता, तंजहा-तमे नाममेगे तमे तमे नाममेगे जोती जोती णाममेगे तमे जोती णाममेगे जोती 4,7 / चत्तारि पुरिसजाता पन्नत्ता, तंजहा-तमे नाममेगे तमबले तमे नाममेगे जोतिबले जोती नाममेगे तमवले जोती नाममेगे जोतीबले, 8 चत्तारि पुरिसजाता पन्नत्ता, तंजहा-तमे नाममेगे तमबलपलजणे (पजलणे) तमे नाममेगे जोतीबलपलजणे 4, 1 / चत्तारि पुरिसजाता पन्नत्ता, तंजहा-परि. नायकम्मे नाममेगे नो परिन्नातसन्ने परिन्नातसन्ने णाममेगे णो परिन्नातकम्मे
