________________ 116 ] [ श्रीमदागमसुधासिन्धुः :: प्रथमो विभागः अन्नयरंसि वा तहप्पगारंसि थंडिलंसि नो उच्चारपासवणं वोसिरिज्जा / से भिक्खू वा (2) से जं पुण जाणिज्जा 1 // इह खलु गाहावई वा गाहावइपुत्ता वा सालीणि वा वीहीणि वा मुग्गाणि वा मासाणि वा कुलत्थाणि वा जवाणि वा जवजवाणि वा पइरिंसु वा पइरिति वा पइरिस्सति वा अन्नयरंसि वा तहप्पगारंसेि थंडिलंसि नो उच्चारपासवणं वोसिरिज्जा 2 // से भिक्खू वा (2) से जं पुण थंडिलं जाणिज्जा, ग्रामोयाणि वा घासाणि वा भिलुयाणि वा विज्जुलयाणि वा खाणुयाणि वा कडयाणि वा पगडाणि वा दरीणि वा पदुग्गाणि वा समाणि वा 2 अन्नयरसि वा तहप्पगारंसि थंडिलंसि नो उच्चारपासवणं वोसिरिज्जा 3 // से भिक्खू वा (2) से जं पुण थंडिल्लं जाणिज्जा माणुसरंधणाणि वा महिसकर. णाणि वा वसहकरणाणि वा अस्सकरणाणि का कुक्कुडकरणाणि वा मकडकरणाणि वा हयकरणाणि वा लावयकरणानि वा वट्टयकरणाणि तित्तिरकरणाणि वा कवोयकरणाणि वा कविंजलकरणाणि वा अन्नयरंसि वा तहप्पगारंसि थंडिलंसि नो उच्चारपासवणं वोसिरिज्जा 4 // से भिक्खू वा (2) से जं पुण थंडिलं जाणेज्जा वेहाणसट्ठाणेसु वा गिद्धपट्टठाणेसु वा तरुपडणट्ठाणेसु वा मेरुपडणठाणेसु वा विसभिक्खणयहाणेसु वा अगणिपडणट्ठाणेसु वा अन्नयरंसि वा तहप्पगारंसि थंडिलंसि नो उच्चारपासवणं वोसिरिज्जा 5 // से भिक्खू वा (2) से जं पुणं थंडिलं जाणिज्जा, बारामाणि वा उज्जाणाणि वा वणाणि वा वणसंडाणि वा देवकुलाणि वा सभाणि वा पवाणि वा अन्नयरंसि वा तहप्पगारंसि वा नो उच्चारपासवणं वोसिरिज्जा 6 // से भिक्खू वा (2) से जं पुण थंडिलं जाणिज्जा, अट्टालयाणि वा चरियाणि वा दाराणि वा गोपुराणि वा अन्नयरंसि वा तहप्पगारंसि थंडिलसि नो उच्चारपासवणं वोसिरिजा 7 // से भिक्खू वा (2) से जं पुण थंडिलं जाणेजा, तिगाणि
