________________ श्रीमदाचाराङ्ग-सूत्रम् :: श्रुतस्कंधः 2 चू० 2 अध्ययनं 3 ] [ 115 तहप्पगारं थंडिल्लं पुरिसंतरकडं जाव बहियानीहडं वा अनीहडं वा अन्नयरंसि वा तहप्पगारंसि थंडिलंसि उच्चारपासवणं नो वोसिरिजा 4 // से भिक्खू वा (2) से जं पुण थंडिलं जाणिजा, बहवे समणमाहणकिवणवणीमग-अतिही-समुद्दिस्स पाणाइं भूयाइं जीवाइं सत्ताई जाव उद्देसियं चेएइ, तहप्पगारं थंडेलं पुरिसंतरगडं जाव बहियायनीहडं अन्नयरंसि वा तहप्पगारंसि थंडिल्लंसि नो उच्चारपासवणं वोसिरिज्जा, अह पुण एवं जाणिज्जा--अपुरिसंतरगडं जाव बहिया नीहडं अन्नयरंसि वा तहप्पगारंसि थडिलंसि उच्चारपासवणं वोसिरिजा ५॥से भिक्खू वा (2) से जं पुण थंडिलं जाणिज्जा, अस्सिंपडियाए कयं वा कारियं वा पामिच्चियं वा छन्नं वा घट्ट वा मठं वा लित्तं वा संमटुं वा संपधूवियं वा अन्नयरंसि वा तहप्पगारंसि थंडिलंसि नो उच्चारपासवां वोसिरिजा 6 // से भिखू वा (2) से जं पुण थंडिलं जाणेजा, इह खलु गाहावइ वा गाहावइपुत्ता वा कंदाणि वा जाव हरियाणि वा अंतरायो वा बाहिं नीहरंति बहियायो वा अंतो माहरंति अन्नयरंसि वा तहप्पगारंसि थंडिलंसि नो उच्चारपासवणं वोसिरिजा 7 // से भिक्खू वा (2) से जं पुण थंडिलं जाणेजा खधंसि वा पीढंसि वा मंचंसि वा मालंसि वा (हम्मियतलंसि वा अट्टालंसि वा) अट्टांसि वा पासायंसि वा अन्नयरंसि वा थंडिलंसि नो उच्चारपासवणं वोसिरिजा 8 // से भिक्खू वा (2) से जं पुण थंडिलं जाणिज्जा, अणंतरहियाए पुढवीए मसीणिद्धाए पुढवीए ससरक्खाए पुढवीए मट्टियाए मकडाए (मट्टियाकम्मकडाए) चित्तमंताए सिलाए चित्तमंताए लेलुयाए कोलावासंसि वा दास्यसि वा जीवपइट्ठियंसि वा जाव मकडासंताणयंसि वा अन्नयरंसि वा तहप्पगारंसि थंडिलंसि नो उच्चारपासवणं वोसिरिजा १॥॥सू० 165 // से भिक्खू वा (2) से जं पुण थंडिलं जाणेजा-इह खलु गाहावई वा गाहावइपुत्ता वा कंदाणि वा जाव बीयाणि वा परिसाडिंसु वा परिसाडिंति वा परिसाडिस्संति वा
