________________ स्कन्दककथानकम् समाणे मासियं भिक्खुपडिमं उवसंपजित्ताणं विहरित्तए"। 'अहासुहं, देवाणुप्पिया,मा पडिवन्धं"।तर णं से खन्दए अणगारे समजेणं भगवया महावीरेणं अब्भणुनाए समाणे हटे जाव नमंसित्ता मासियं भिक्खुपडिमं उवसंपजित्ताणं विहरइ। तए णं से खन्दए अणगारे मासियं भिक्खुपडिमं अहासुत्तं अहाकप्पं अहामग्गं अहातचं अहासम्मं कारण फासेइ, पालेइ, सोहेइ, तीरेइ, पूरेइ, किट्टेइ, अणुपालेइ, आणाए आराहेइ, 2 जेणेव समणे भगवं महावीरे तेणेव उवागच्छइ, 2 समणं भगवं जाव नमंसित्ता एवं वयासी-" इच्छामि णं, भन्ते, तुम्भेहिं अब्भणुन्नाए समाणे दोमासियं भिक्खुपडिमं उवसंपन्जित्ताणं विहरित्तए," / " अहासुह, देवाणुप्पिया, मा पडिबन्धं " तं चेव / एवं तेमासियं चाउम्मासियं पञ्चमासियं छम्मासियं सत्तमालियं, पढमं सत्तराइंदियं दोच्चं सत्तराइंदियं तचं सत्तराइंदियं अहोराइंदियं एगराइयं / तए णं से खन्दए अणगारे एगराइयं भिक्खुपडिमं अहासुत्तं जाव आराहेत्ता जेणेव समणे भगवं महावीरे तेणेव उवागच्छइ, 2 समणं भगवं महावीरं जाव नमंसित्ता एवं वयाली-" इच्छामि णं, भन्ते, तुब्भेहिं अब्भणुनाए समाणे गुणरयणं संवच्छरं तवोकसं उवसंपजित्ताणं विहरित्तए"। " अहासुह, देवाणप्पिया, मा पडिबन्धं..."॥ 16. तए णं से खन्दए अणगारे समणेणं भगवया महावीरेणं अभणुन्नाए समाणे जाय नमंसित्ता गुणरयणसंवच्छरतवोकम्म उवसंपजित्ताणं विहरइ / तं जहा-पढमं मासं चउत्थंचउत्थेणं अणिक्खित्तेणं तवोकम्मेणं दिया ठाणु: कुडुए सूराभिमुहे आयावण भूमीए आयायेमाणे, रति
