________________ परिशिष्टम् वीरासणेणं अवाउडेण य। एवं दोच्चं मासं छटुंछट्टेणं अणिक्खित्तेणं दिया ठाणुक्कुडुए सूराभिमुहे आयावणभूमीए आयावेमाणे रत्तिं वीरासणणं अवाउडेण य / एवं तच्चं मासं अट्ठमंअट्ठमेणं, चउत्थमासं दसमंदसमेणं, पञ्चमं मासं बारसमंबारसमेणं, छटुं मासं चउद्दसमंचउद्दसमेणं, सत्तमं मासं सोलसमंसोलसमेणं, अट्ठमं मासं अट्ठारसमंअट्ठारसमेणं, नवमं मासं वीसइमंवीसइमेण, दसमं मासं वावीसइमंबावीसइमेण, एकारसमं मासं चउवीसइमंचउवीसइमेणं, वारसमं मासं छव्वीसइमंछव्वीसइमेण, तेरसमं मासं अट्ठावीसइमंअट्ठावीसइमेण, चउद्दसमं मासं तीसइमंतीसइमेण, पण्णरसमं मासं बत्तीसइमंवत्तीसइमेण, सोलसं मासं चोत्तीसइमं चोत्तीसइमेणं अणिक्खित्तेणं तवोकम्मेणं दिया ठाणुक्कुडुए सूराभिमुहे आयावणभूमीए आयावेमाणे रत्तिं वीरासणेणं अवाउडेणं / तए णं से खन्दएं अणगारे गुणरयणसंवच्छरं तवोकग्मं अहासुत्तं अहाकप्पं जाव आराहेत्ता जेणेव समणे भगवं महावीरे तेणेव उवागच्छइ, 2 समणं भगवं महावीरं वन्दइ नमसइ, 2 वहहिं चउत्थछट्ठमदसमदुवालसेहिं मासद्धमासखमणेहिं विचित्तेहिं तवोकम्मेहि अप्पाणं भावेमाणे विहरइ // 17. तए णं से खन्दए अणगारे तेणं उरालेणं विउलेणं पयत्तेणं पग्गहिएणं कल्लाणेणं सिवेणं धन्नेणं मङ्गल्लेणं सस्सिरीएणं उदग्गेणं उदत्तेणं उत्तमेणं उदारेणं महाणुभागेणं तवोकम्मेणं सुके लुक्खे निम्मंसे अट्ठिचम्मावणद्धे किडि. किडियाभूए किसे धमणिसंतए जाए यावि होत्था / जीवंजीवेण गच्छइ, जीवंजीवेण चिट्ठइ, भासं भासित्ता वि
