________________ स्कन्दककथानकम् मेयं अन्ते, अवितहमेयं, भन्ते, असंदिद्धमेयं, भन्ते, इच्छियमेयं, भन्ते, पडिच्छियमेयं भन्ते, इच्छियपडिच्छियमेयं, भन्ते, से जहेयं तुम्भे वयह" त्ति कटु समणं भगवं महावीरं वन्दइ नमसइ, 2 उत्तरपुरस्थिमं दिसीभागं अवकमइ, 2 तिदण्डं च कुण्डिअं च जाव धाउरत्ताओ य एगन्ते एडित्ता जेणेव समणे भगवं महावीरे तेणेव उवागच्छइ, 2 समणं भगवं महावीरं तिक्खुत्तो आयाहिणपयाहिणं करेइ, 2 जाव नमंसित्ता एवं वयासी-" आलिते णं, भन्ते, लोए, पलित्ते णं, भन्ते, लोए, आलित्तपलिते णं, भन्ते, लोए जराए मरणेण य / से जहानामए केइ गाहावई अगारंसि झियायमाणंसि जे से तत्थ भण्डे भवइ अप्पभारे मोल्लगुरुए तंगहाय आयाए एगन्तमन्तं अवक्कमइ-एस मे नित्थारिए समाणे पच्छा पुरा हियाए सुहाए खेमाए निस्सेयसाए आणुगामियत्ताए भविस्सइ / एवामेव, देवाणुप्पिया, मज्झ वि आया एगे भण्डे इटे कन्ते पिए मणुढे मणामे थेजे वेस्सासिए संमए अणुमए बहुमए भण्डकरण्डगसमाणे, मा णं सीअं मा णं उण्हं मा णं खुहा मा णं पिवासा मा णं चोरा मा णं वाला मा णं दंसा मा णं मसया मा णं वाइयपित्तियसिम्भियसंनिवाइया विविहा रोगायङ्का परसिहोवसग्गा फुसन्तु त्ति कट्ट एस मे नित्थारिए समाणे परलोयस्स हियाए सुहाए खेमाए नीसेसाए आणुगामियत्ताए भविस्सइ। तं इच्छामि णं, देवाणुप्पिया, सयमेव पव्वावियं सयमेव सेहावियं सयमेव सिक्खावियं सयमेव आयारगोयरं विणयविणइयचरणकरणजायामायावत्तियं धम्ममाइक्खिउं॥
