________________ परिशिष्टम् हणेहिं अप्पाणं संजोएइ तिरियमणुअदेवअणाइअं च णं अणवदग्गं चाउरन्तसंसारकन्तारं अणुपरियट्टइ, से तं मरमाणे वडइ, से तं वालमरणे / से किं तं पण्डियमरणे? पण्डियमरणे दुविहे पन्नत्ते। तं जहा-पाओवगमणे य भत्तपञ्चक्खाणे य / से किं तं पाओवगमणे ? पाओवगमणे दुविहे पन्नते, तं जहानीहारिमे य अनीहारिमे य नियमा अप्पडिकम्मे / सेतं पाओवगमणे / से किं तं भत्तपञ्चक्खाण ? भत्तपञ्चक्खाणे दुविहे पन्नत्ते, तं जहा–नीहारिमे य अनीहारिमे य नियमा सपडिकम्मे। सेतं भत्तपञ्चक्खाणे। इञ्चेएणं,खन्दया,दुविहेणं पण्डियमरणेणं जीवे अणन्तेहिं लेरइयभवग्गहणेहिं अप्पाणं विसंजोएइ जाव वीइवयइ। से तं मरमाणे हायइ / से तं पण्डियमरणे / इच्चेएणं, खन्दया, दुविहेणं मरणणं मरमाणे जीवे वड्डइ वा हायइ वा"। एत्य णं से खन्दए कच्चायणसगोत्ते संबुद्धे समणं भगवं महावीरं वन्दइ नमंसइ / 2 एवं वयासी“इच्छामि गं, भन्ते, तुझं अन्तिए केवलिपन्नत्तं धम्म निसाभित्तए।" "अहासुह, देवाणुप्पिया, मा पडिवन्धं"॥ 13. तए णं समणे भगवं महावीरे खन्दयस्स कच्चायणसगोत्तस्स तीसे य महइमहालियाए परिसाए धम्म परिकहेइ। धम्मकहा भाणियवा। तए णं से खन्दए कच्चायणसगोत्ते समणस्स भगवओ महावीरस्स अन्तिए धम्मं सोचा निसम्म हट्टतुढे जाव हियए उट्ठाए उट्टेइ, 2 समणं भगवं महावीरं तिक्खुत्तो आयाहिणपयाहिणं करेइ, 2 एवं वयासी“सद्दहामि णं, भन्ते, निग्गन्थं पावयणं, पत्तियामि णं,भन्ते, निग्गन्थं पावयणं, रोएमि णं, भन्ते, निग्गन्थं पावयणं, अब्भुट्टेमि णं भन्ते, निग्गन्थं पावयणं, एवमेयं भन्ते, तह
