________________ 42 अन्तगडदसासु [१३१जाव पव्वइत्तए / अइमुत्तं कुमारं अम्मापियरो एवं वयासी-" बाले सि ताव तुमं, पुत्ता / असंबुद्धे सि तुमं, पुत्ता / किं णं तुमं जाणास धम्मं ? " तए णं से अइमुत्ते कुमारे अम्मापियरो एवं पयासी-" एवं खलु, अम्मताओ, जं चेव जाणामि तं चेव न याणामि / जं चेव न याणामि, तं चेव जाणामि " / तए णं तं अइमुत्तं कुमारं अम्मापियरो एवं वयासी-" कहं णं तुमं, पुत्ता, जं चेव जाणसि जाव तं चेव जाणास?" तए णं से अइमुत्ते कुमारे अम्मापियरो एवं वयासी-"जाणामि अहं, अम्मताओ, जहा जाएणं अवस्स. मरियव्वं, न याणामि अहं, अम्मताओ, काहे वा कहिं वा कहं वा केचिरेण वा / नयाणामि, अम्मताओ,केहि कम्माययणेहिं जीवा नेरइयतिरिक्खजोणिमणुस्सदेवेसु उववजन्ति, जाणामि णं, अम्मताओ, जहा सएहिं कम्मायाणेहिं जीवा नेरइय जाव उववजन्ति / एवं खलु अहं, अम्मताओ, जं चेव जाणामि तं चैव न याणामि, जं चेव न याणामि तं चेव जाणामि / इच्छामि णं, अम्मताओ, तुब्भेहिं अब्मणुन्नाए जाव पव्वइत्तए" // 131 // तए णं तं अइमुत्तं कुमारं अम्मापियरो जाहे नो संचाएन्ति बहिं आघवणाहि य... "तं इच्छामो ते, जाया, एगदिवस. मवि रायसिरिं पासित्तए" / तए णं से अइमुत्ते कुमारे अम्मापिइवयणमणुयत्तमाणे तुसिणीए संचिट्ठइ / अभिसेओ जहा महाबलस्स, निक्खमणं, जाव सामाइयमाइयाई अहिजइ, बहूई वासाइं सामण्णपरियागं, गुणरयणं, जाव विपुले सिद्धे // 15 // 132 // तेणं कालेणं 2 वाणारसीए नयरीए काममहावणे चेइए।
