________________ 34 अन्तगडदसासु [१०६प्पिया, अजुणए मालागारे मोग्गरपाणिणा अन्नाइटे समाणे रायगिहे नयरे बहिया छ इत्थिसत्तमे पुरिसे घाएमाणे विहरइ"॥१०६॥ तए णं से सेणिए राया इमीसे कहाए लढे समाणे कोडुम्बियपुरिसे सदावेइ, 2 एवं वयासी--"एवं खलु, देवाणुप्पिया, अजुणए मालागारे जाव घाएमाणे विहरइ / तंमा णं तुब्भे केइ कट्ठस्स वा तणस्स वा पाणियस्स वा पुष्फफलाणं वा अट्टाए सइरं निग्गच्छउ, मा णं तस्स सरीरस्स वावत्ती भविस्सइ" त्ति कटु दोच्चं पि तच्चं पि घोसणयं घोसेह, 2 खिप्पामेव ममेयं पञ्चप्पिणह"। तए णं ते कोडुम्बिय जाव पञ्चप्पिणन्ति // 107 // तत्थ णं रायगिहे नयरे सुदंसणे नामं सेट्ठी परिवसइ अड़े... / तए णं से सुदंसणे समणोवासए यावि होत्था अभिगयजीवाजीवे जाव विहरइ // 108 // तेणं कालेणं 2 समणे भगवं जाव समोसढे विहरइ। तए णं रायगिहे नयरे सिंघाडग...बहुजणो अन्नमन्नस्स एवमाइक्खइ, जाव किमङ्ग पुण विउलस्स अट्ठस्स गहणयाए। एवं तस्स सुदंसणस्स बहुजणस्स आन्तिए एयं सोच्चा निसम्म अयं अब्भत्थिए ४--"एवं खलु समणे जाव विहरइ / तं गच्छामि णं वन्दामि..." एवं संपेहेइ, 2 जेणेव अम्मापियरो तेणेव उवागच्छइ, 2 करयल ... एवं वयासी- "एवं खलु, अम्मताओ,समणे जाव विहरइ / तं गच्छामि णं समणं भगवं महावीरं वन्दामि नमसामि जाव पजुवासामि" // 109 // तए णं सुदंसणं सेटिं अम्मापियरो एवं वयासी-“एवं खलु, पुत्ता, अजुणए मालागारे जाव घाएमाणे विहरइ / तं
