________________ 58] तइयो वग्गो गेण्हइ, 2 गयसूमालस्स अणगारस्स मत्थए पक्खिवइ / 2 भीए 5 तओ खिप्पामेव अवकमइ,२ जामेव दिसिं पाउन्भूए तामेव दिसिं पडिगए // 56 // तए णं तस्स गयसूमालस्स अणगारस्स सरीरगंसि बेयणा पाउब्भूया उज्जला जाव दुरहियासा / तए णं से गयसूमाले अणगारे सोमिलस्स माहणस्स मणसा वि अप्पदुस्समाणे तं उज्जलं जाव अहियासेइ / तए णं तस्स गयसूमालस्स अणगारस्स तं उजलं जाव अहियासेमाणस्स सुभेणं परिणामेणं पसत्थज्झवसाणेणं तयावरणिजाणं कम्माणं खएणं कम्मरयविकिरणकरं अपुवकरणं अणुपविठुस्स अणन्ते अणुत्तरे जाव केवलवरनाणदंसणे समुप्पन्ने, तओ पच्छा सिद्धे जाव °प्पहीणे। तत्थ णं अहासंनिहिएहिं देवेहिं सम्मं आराहिअं ति कट्ट दिव्वे सुरभिगन्धोदए बुट्टे, दसवण्णे कुसुमे निवाडिए, चेलुक्खेवे कए, दिव्वे य गीयगन्धव्वनिनाए कए यावि होत्था // 57 // तए णं से कण्हे वासुदेवे कलं पाउप्पभायाए जाव जलन्ते बहाए जाव विभूसिए हत्थिखन्धवरगए सकोरेण्टमल्लदामेणं छत्तेणं धरिजमाणेणं सेयवरचामराहिं उद्धव्वमाणीहिं महया भडचडगरपहकरवन्दपरिक्खित्ते बारवई नयरिं मझंमज्झेणं जेणेव अरहा अरिटुनेमी तेणेव पहारेत्थ गम. णाए // 58 // तए णं से कण्हे वासुदेवे बारवईए नयरीए मझमझेणं निग्गच्छमाणे एकं पुरिसं पासइ जुण्णं जराजजरियदेहं जाव किलन्तं महइमहालियाओ इट्टगरासीओ एगमेगं इट्टगं गहाय बहिया रत्थापहाओ अन्तोगिहं अणुप्पविसमाणं पासइ / तए
