________________ 8. 69.37] कर्णपर्व [8. 69. 43 पूजयन्ति स्म कौन्तेयं निहते सूतनन्दने // 37 ते वर्धयित्वा नृपतिं पाण्डुपुत्रं युधिष्ठिरम् / जितकाशिनो लब्धलक्षा युद्धशौण्डाः प्रहारिणः।।३८ स्तुवन्तः स्तवयुक्ताभिर्वाग्भिः कृष्णौ परंतपौ / जग्मुः स्वशिबिरायैव मुदा युक्ता महारथाः // 39 एवमेष क्षयो वृत्तः सुमहाल्लोमहर्षणः / तव दुर्मत्रिते राजन्नतीतं किं नु शोचसि // 40 वैशंपायन उवाच। श्रुत्वा तदप्रियं राजन्धृतराष्ट्रो महीपतिः / पपात भूमौ निश्चेष्टः कौरव्यः परमार्तिवान् / तथा सत्यव्रता देवी गान्धारी धर्मदर्शिनी // 41 तं प्रत्यगृहाद्विदुरो नृपतिं संजयस्तथा / पर्याश्वासयतश्चैवं तावुभावेव भूमिपम् // 42 तथैवोत्थापयामासुर्गान्धारी राजयोषितः / ताभ्यामाश्वासितो राजा तूष्णीमासीद्विचेतनः॥४३ इति श्रीमहाभारते कर्णपर्वणि एकोनसप्ततितमोऽध्यायः॥ 69 // // समाप्तं कर्णपर्व // - 1803 -
