Page Text
________________ ॥श्री शंखेश्वर-पार्श्वनाथाय नमः // // श्रीसिद्धि-विनय-भद्र-विलास-ॐकारसूरिभ्यो नमः // पंडित श्रीहंसरत्नविरचितः श्री उपमिति कथोद्धारः (अधिकार: 1) स्वस्तिश्री र्गुणरागिणीव यदनुध्यानाद् वृणीते स्वयं, प्रोद्भूताऽद्भुतसाध्वसा इव जवाद् दूरं व्रजन्त्यापदः / यस्य ज्ञानमनन्तवस्तुविषयं शनैश्च संस्तूयते; श्रीमान् पार्श्वजिनः स वः प्रभवताद् भव्या भवार्त्तिच्छिदे // 1 // वागासारभरेणं यस्य सततं मैत्र्यादि-सद्भावना, वल्ल्यः पल्लविता भवन्ति भविनां स्वान्तालवालावनौ / दुर्ध्यानातप-तीव्रताप पटली सड्क्षीयते च क्षणात् श्री सिद्धर्षि-सुधा-घनः स जयतात् निःशेषदोषापहः // 2 // आकर्षं सुमतेर्वशीकृतिमथ स्वर्गाऽपवर्गश्रियां उच्चाटं मदनादिदुष्ट-सुहृदां विद्वेषणं दुर्धियां / स्तम्भं दुर्गति-पाततोऽधिकतरं मोहस्य सम्मूढतां वाग्-मन्त्रा: प्रथयन्तु वः प्रतिदिनं सिद्धर्षि-वक्त्रोद्भवाः // 3 // अथाऽध्यात्म-पीयूषपारावार-श्रीसिद्धर्षिमुखप्रवृद्धाया नैकवैराग्य-संवेगादितरङ्गगहनायाः स्वल्प-शक्तिदुरवगाहायाः श्रीउपमितिभवप्रपञ्चाभिधानवेलाया मद्विधाऽल्पसत्त्वानुग्रहाय केवलवार्तास्वरूप-तत्कथा-लेशं समुद्धर्तुमुपक्रमे / तथाहि- अस्त्यशेष-तीर्थङ्कर-चक्रवर्त्यादि-सत्पुरुषरत्न-सम्भवास्पदं धर्मादिसकलपुरुषार्थोपार्जन-स्थानं मनुष्यगति-नाम-पुरम् / तत्र च सकल सुराऽसुरादि-शिरोदत्तपादः नारकादिनाना-वेषधर-सर्वसंसारिसत्त्वनृत्यावलोकन-निर्दयशिरोमणिः कर्मपरिणामाभिधो राजा / तस्य कालपरिणति-नाम्नी पट्टराज्ञी, तौ दम्पती अत्यर्थं नाटकप्रियौ, ततोऽनवरतं निःशेषसंसारि-जीवान् स्वबन्दीकृत्य सुर-नर-तिर्यङ्-नारक-बाल-युव-वृद्धावस्थाविशेषवेषान् विधाप्य नर्तयन्तौ तुष्यतस्तराम् / पुत्र चिन्ता अथैकदा कालपरिणत्या नृप ऊचे- "स्वामिन् ! तव प्रसादादहं सम्पन्नसर्वमनोऽभीष्टार्थाऽपि पुत्र-प्राप्तयेऽत्यन्तमुत्कण्ठिताऽस्मि, ततो योकोऽपि सुतः सम्पद्यते तदा
| SR No. | 004309 |
| Book Title | Upmiti Kathoddhar |
| Original Sutra Author | N/A |
| Author | Munichandrasuri |
| Publisher | Omkar Gyanmandir Surat |
| Publication Year | 1981 |
| Total Pages | 146 |
| Language | Sanskrit, Hindi |
| Classification | Book_Devnagari |
| File Size | 17 MB |