Laghu Trishashti Shalaka Purush Charitam

SR No.: 004305
Original Sutra Author: N/A
Author: Pradyumnasuri
Publisher: Shrutgyan Prasarak Sabha
Publication Year: 1993
Total Pages: 376
Language: Sanskrit, Hindi
Classification: Book_Devnagari
File Size: 7 MB

Page 81

चरितम् / लघुत्रिषष्टिशलाकापुरुषचरितम् रीत्याऽनया शिरःपातं कर्ता वोऽत्र निवारणात् / परं तन्न भवेद् भूपभक्तिमें हृदि भूयसी // 31 / / एवं गृहविरोधेन विमुखो विषयादरात् / द्वेधा ततः स मेधावी सम्भूताव्रतमाददे // 32 // तपः कुर्वन्नष्टमादि सूत्रार्थाध्ययनोद्यतः / संयतोऽगात् स मथुरां पुरीमाहारलिप्सया // 33 // विशाखनन्द्यपि तदा तस्यामुद्वोढुमागतः / गोचर्या पर्यटन्तं तं वस्ता गौर्भुव्यपातयत् // 34 // विशाखस्तदवेक्ष्येदं विश्वभूति हसन् जगौ / कपित्थपातनबलं तवेदानी क्व निर्गतम् // 35 // विश्वभूतिरमर्षेण तां गां चोत्पाट्य शृङ्गयोः / __गगने भ्रामयामास दर्शयन्नचलं बलम् // 36 // अनेन तपसाऽत्युग्रवीर्यो भूयासमित्यपि / निदानात् कोटिवर्षायुर्महाशुक्रे सुरोऽजनि // 37 // इतश्च पोतनपुरे रिपुशत्रुमहीपतिः / भद्रेति तस्य महिषी सखीभूता शचीजनैः // 38 // अन्यदा सुप्तया तल्पे गजोऽक्षेन्दुसरांस्यथ / - ददृशे सुदृशा दिष्ट्या तुष्ट्या स्वप्नचतुष्टयम् // 39 // शुभेऽहनि प्रसूतस्य सूनोरचल इत्यधात् / महीपति म धाम विभूत्या धामधारिणः // 40 // अचलस्यानुजाप्याऽऽसीद् दासीकृतशची श्रिया / ___ मृगावती मृगाङ्कास्या मृगाक्षी रतिरूपभृत् // 41 // तस्या वरविमर्शाय पुत्रीं भद्राऽप्यमोचयत् / / - भूषणैर्भूषितां सर्वैर्दूषणैः क्वाऽप्यदूषिताम् // 42 // तदर्शनादकभागे स्पर्शनाद विमर्शनः / विद्धः पञ्चशरोल्लासबाणैस्त्राणैर्विवर्जितः // 43 / / अध्यक्षान् श्रेष्ठिनां पक्षान् दक्षान्न्यक्षानपि प्रभुः / भुवः पप्रच्छ तुच्छात्माऽनार्यकार्यविधित्सया // 44 // ममाधिपत्यविषये विषये यदुदीयते / तस्य रत्नस्य कः स्वामी वदन्तु विनयास्पदम् // 45 // भवास्तत्रभवानेव देव तद्रत्नमहति / शिष्टैरिति समुद्दिष्टे सुतां सौवस्त्रियं व्यधात् // 46 // अनभाक् कृतार्थ स्वं मन्यमानस्तया समम् / 1. भुजे विविधान् भोगान् भद्रया द्रागुपेक्षितः // 47 //