________________ 54 ] महोपाध्यायश्रीमन्मेघविजयविरचितम [ श्रीश्रेयांसजिन शक्रोनीतसुधाङ्गुष्ठपानान्ननन्द नन्दनः / ज्ञानत्रयधरो येनाङ्गुष्ठे स्युर्योगजर्द्धयः // 15 // वतारः प्रथमोऽङ्गुष्ठे देवानां स्यात् तदागमे / स्पष्टं प्रश्नव्याकरणस्वरूपस्य निरूपणे // 16 // मातुस्स्तन्यं न पिबन्ति यदेषां वपुषः स्मृता / शुक्लताऽसृग्मांसनिष्ठा वीतरागातिशायिनाम् // 17 // अकारुण्ये च तारुण्ये राजपुत्रीरुपायत / वर्षल:कविंशत्यां गतायां भूपरूपभाक् // 18 // फाल्गुनस्य त्रयोदश्यां कृष्णायां श्रवणे विधौ / लोचयन्निव कृष्णं भवं केशेषु सोऽतनोत् प्रभुः // 19 // सिद्धार्थनगरे नन्दनृपगेहेऽस्य पारणा / षष्ठस्य परमान्नेन वृष्टयादि तत्र पूर्ववत् // 20 // इतश्च प्रागविदेहान्तनगरी पुण्डरीकिणी / तस्यां चतुर्बलो राजा राज्यं कृत्वा व्रतं ललौ // 21 // प्रपाल्य संयम मृत्वा विमानेऽनुत्तरे सुरः / च्युत्वा राजगृहे पुत्रः प्रियङ्गु-विश्वनन्दयोः / 22 / विशाखनन्दीति नाम्ना कुमारः ख्यातिमादधे / विश्वनन्दाऽनुजो नाम्ना विशाखभूतिरित्यभूत् // 23 // तद्भार्यायां च धारिण्यां तनयो विश्वभूतिकः / मरीचिजीवः प्राक् तस्य स्पर्धा विशाखनन्दिना // 24 // . वनेऽस्य रमणे स्त्रीभिरसहिष्णुतया पतिः / विज्ञप्तो यदयं विश्वभूतिः स्वयं नृपायते // 25 // प्रवेशं न वने रंतुं दत्ते विशाखनन्दिनः / ततो राजा निर्गतोऽगात् छलात् सामन्तसाधने / 26 / विनयाद् विश्वभूतिस्तं निवार्य सह सेनया / अचालीत् तन्निशम्याग्रे सामन्तोऽप्यानमत् स्वयम् // 27 // अनेकविनयाधानैर्धनैरश्वादिवाहनः / उपादाय ररजाशु सामन्तस्तं कुमारकम् // 28 // प्रत्यावृत्त्यागतो विश्वभूतिविशाखनन्दिनः / भृत्यैनिवारितो मध्ये वनं क्रीडति राजसूः // 29 // तन्मत्वा कुपितः कश्चित् कपित्थं मुष्टिकम्पितम् / चालयंस्तत्फलैर्भूमि छादयन्निदमब्रवीत् // 30 //
