________________ चरितम् ] लघुत्रिषष्टिशलाकापुरुषचरितम् [ 53 प्रथमवासुदेवोत्पत्तिसहितं श्रीश्रेयांसजिनचरितम् / श्रेयान् श्रेयः श्रियं लोके श्रयते तमुपाश्रितः / / तदीयाख्यानकं सम्यक् शृण्वतां पठतामपि // 1 // श्रीपुष्करवरस्यार्द्ध प्राविदेहे स्वनामतः / कच्छो विजय उदयी तत्र क्षेमपुरी वरा // 2 // पुष्पगुल्म इवामोदमोदकः पृथिवीधवः / नलिनीगुल्मनामास्या रक्षणे दक्षिणः क्षितेः // 3 // विरक्तात्माऽपि पित्रादेमित्रादेश्चानुरोधतः / कलयन् बोधतो भोगकर्मणा राज्यमन्वशात् // 4 // स्वसूनवे नवं राज्यं दत्त्वा तत्त्वावमर्शधीः / वज्रदत्तमुनेदर्दीक्षामाददे शिवसम्पदे // 5 // निबध्य तीर्थकुनाम कर्म धर्ममनाः सना / तपांसि कुर्वन् सर्वत्र यशांसीव समर्जयत् // 6 // सम्यक् साम्यमनौपम्यं दधानो ध्यानमुज्ज्वलम् / / . प्रान्ते भ्रान्तमनाः लेभे महाशुक्रदिवं क्रमात् // 7 // ततश्च जम्बूद्वीपान्तर्भरते वरतेजसि / पुरं पुरंदरपुरीसख्यभाक् सिंहनामकम् // 8 // प्रभविष्णुविष्णुराजः क्षमापः पापनिवर्तकः / . पत्नी रूपात् सपत्नीव शच्या रुचा पुनर्नवा // 9 // साऽपि प्राप विष्णुशब्दं नाम्ना धाम्ना श्रिया समा / पतिव्रतत्वसूचार्य समवायैकभूषणम् // 10 // इतः शुक्रसुरः स्वायुः प्रपूर्य सूर्यकान्तिभाक / तस्या गर्भेऽवतारेण भुवं सर्वामदीपयत् // 11 // षष्ठयां तिथौ ज्येष्ठकृष्णे चन्द्रे श्रवणसङ्गते / . स्वप्नान् गजादिकान् राज्ञी तदैक्षिष्ट विशिष्टधीः // 12 // द्वादश्यां फाल्गुनीकृष्ण जन्माऽजनि जिनेशितुः / दिक्कुमार्यः सर्वदेवा व्यधुः कार्य निजं निजम् / / 13 / / सर्वत्र श्रेयसां वृद्धथा मातुः श्रेयसि दोहदात् / ' श्रेयांस इत्युदाजहे नाम्ना राजा निजाङ्गजम् // 14 //
