Laghu Trishashti Shalaka Purush Charitam

SR No.: 004305
Original Sutra Author: N/A
Author: Pradyumnasuri
Publisher: Shrutgyan Prasarak Sabha
Publication Year: 1993
Total Pages: 376
Language: Sanskrit, Hindi
Classification: Book_Devnagari
File Size: 7 MB

Page 72

46 ) महोपाध्यायश्रीमन्मेघविजयविरचितम् [ श्रीचन्द्रप्रभस्वामि महासेनस्तत्र भूपः स्वरूपेण स वासवः / तदाधिपत्ये न द्यूतं न चौर्य नाऽपि वाऽसवः // 13 // तस्याऽऽसील्लक्षणादेवी लक्ष्मीरिव सुलक्षणा / दक्षिणा न्यायधर्मादौ शीलरक्षाविचक्षणा / 14 / जीवः पद्मनृपस्याऽस्या उदरे समवातरत् / पञ्चम्यामनुराधायां विधौ ह्यधवले तिथौ // 15 // चतुर्दशस्वप्नराजी सा ददर्शाऽनुभावतः / पूर्णे दोहदसंदोहे सूनुं साऽसूत पूतधीः // 16 // मैत्रे पौषस्य कृष्णस्य द्वादश्यां निजजन्मना / __ मनागपि न दुःखं स्यान् नरके नारकेष्वपि // 17 // पूर्ववत् सर्वमाख्येयं देयं हेयं च गेयवत् / नाटकानि प्रवृत्तानि वृत्तान्याहुर्दिवौकसः // 18 // गर्भस्थितेऽस्मिन् मातुश्च चन्द्रपानस्पृहाऽभवत् / इति पित्राऽभिधा दधे महैश्चन्द्रप्रभोऽस्त्वयम् // 19 // प्रपन्ने यौवने स्वामी सार्द्धधन्वशतोन्नतः / कौमारेऽपि पूर्वलक्षद्वयं सार्द्ध व्यतीयिवान् // 20 // पैतृकं राज्यमाशास्त सार्द्धान् षट्पूर्वलक्षकान् / __ ततो लोकान्तिकैरुक्तस्त्यक्तवान् सपरिग्रहम् // 21 // दत्त्वाऽर्हदुचितं दानं सुरासुरसमागमे / महोत्सवात् सहस्राम्रवणेऽलंकरणं जहौ // 22 // पौषकृष्णत्रयोदश्यां मैत्रभे प्राव्रजज्जिनः / षष्ठेन तपसा सार्द्ध सहस्रक्षितिनायकैः // 23 // पद्मखण्डपुरे सोमदत्तभूपतिसद्मनि : पारणा परमानेन तत्राऽभूद् दिव्यपञ्चकम् // 24 // परीषहसहःशक्त्या भक्त्या भक्त्या च तुल्यधीः / पुरे शरण्येऽरण्ये वा मित्रेऽमित्रे पवित्रवाक् / / 25 / / ताणे सुवर्णे छायायामातपे जातसाम्यभाक् / स्थितः प्रतिमया देवः पुन्नागतरुनिश्रया // 26 // फाल्गुनाऽसितसप्तम्यां मैत्रभे षष्ठवान विभुः / केवलज्ञानलाभेन तस्थौ वप्रत्रयोपरि // 27 // छत्रत्रये धार्यमाणे वीज्यमानः स चामरैः / अमरैर्गीयमानश्रीराख्यद्धर्मोपदेशनम् // 28 // साध्या नरभवे मुक्तिस्तुल्यं मान द्वयोरपि / यावद् वृत्तं नरक्षेत्रं तावन्मुक्तिशिला पृथुः / 29 / समश्रेण्या सिद्धगतिस्तदन्योपाधिसाधिता / मुक्तेजुर्गतिर्वक्रा स्मृता संसारवासिनः // 30 // देशनान्ते प्रभोः स्थाने नाम्ना दत्तो गणाग्रणीः / अर्थाविस्मृतयेऽदत्त देशनां पेशलां रसैः // 31 // 1 मैत्रे = अनुराधानक्षत्रे