Laghu Trishashti Shalaka Purush Charitam

SR No.: 004305
Original Sutra Author: N/A
Author: Pradyumnasuri
Publisher: Shrutgyan Prasarak Sabha
Publication Year: 1993
Total Pages: 376
Language: Sanskrit, Hindi
Classification: Book_Devnagari
File Size: 7 MB

Page 33

महोपाध्यायश्रीमन्मेघविजयविरचितम [ श्रीऋषभदेव भवे च दशमे जीवा मृत्वा षडपि तेऽभवन् / अच्युते देवलोकेऽतश्च्युताः पुनरवातरन् // 73 // जम्बूद्वीपे विदेहान्तर्विजयः पुष्कलावती / पुर्या च पुण्डरीकिण्यां रम्यायां विजयश्रिया // 74 // तस्यां पुर्या वज्रसेनस्तीर्थकृद् भूमिपालकः / धारणी नाम तद्राझी बभूवुः पञ्च तत्सुताः // 75 // तत्राऽऽनन्दवैद्यजीवो वज्रनाभः सचक्रभृत् / महीधरो बाहुनामा सुबाहुस्तु सुबुद्धिकः // 76 // . महापीठः पूर्णभद्रः पीठोऽभवद्गुणाकरः / षष्ठः केशवजीवोऽस्ति सुजसा [ सुयशा | नाम सारथिः // 77 // वज्रसेनो हि भगवान् सांवत्सरिकदानकृत् / दीक्षां लात्वा विजहारापावयन् पृथिवीतलम् // 78 // वज्रनाभस्तु भ्रातृभ्यः प्रत्येक विषयान् ददौ / सारथिं सुयशः संज्ञं कृत्वा राज्यमपालयत् 79 // एकदाऽऽयुधशालायां चक्ररत्नमजायत / तदेव श्रीवज्रसेनसू नुरु पत्रकेवलः // 80 // .. भगवत्केवलज्ञानमहिमानं विधाय सः / चक्रानुगतमार्गेणाऽसाधयत् विजयावनीम् // 81 // प्रावर्तत पुरे तस्य महो द्वादशवार्षिकः / चक्रित्वं बहुकालं स धृत्वा दीक्षामुपात्तवान् // 82 // चतुर्भिातृभिः सार्धं [पालयन् वरसंयमम् ] / वज्रनाभो द्वादशाङ्गी बिभ्राणोऽबोधयजनान् // 83 // अन्येऽप्येकादशाङ्गानि पेठुश्चरणचारिणः / तेषु बाहुः पञ्चशतमुनीनां भक्तपानदः // 84 // गुरुप्रीत्या श्राद्धगृहादानीय समभोजयत् / चक्रीलक्ष्मीभोगकर्म बद्धवान् भक्तिसाधनात्।।८५॥ सुबाहुबद्धकच्छः सन् पञ्चशत्या तपस्विनाम् / विश्रामणां वितनुते बद्धं बाहुबलं धनम् // 86 // स्वाध्यायं कुरुतः पीठमहापीठौ रहःस्थितौ / बाहु सुबाहु चाचार्याः प्रशसंसुर्मुहुर्मुहुः // 87 // श्रृण्वानौ तौ तत्प्रशंसां निन्दन्तौ गुरुमुत्तमम् / मायया स्त्रीकर्मबन्धं चक्राते परजन्मनि // 88 // विंशतिस्थानकतपः कृत्वा चक्रभृता पुनः / तीर्थकृत् कर्म भक्त्यैव निर्मितं मायया विना ||89 // श्रेयांसो भविता सोऽयं सारथिश्चक्रवर्तिनः। मृत्वा सर्वेऽपि सर्वार्थसिद्धिं जग्मुरनुत्तराम् // 90 // बाह्वादीनां च पूर्वाणां षट् लक्षाः समतिक्रमे / सर्वार्थसिद्धिगमनं समभूत् वज्रनाभवत् // 91 // सर्वार्थसिद्धौ न स्थित्याऽऽयुषो गौरवलाघवे / समोत्पादच्यवनतो नार्षभिर्भरतोऽभवत् // 12 // अयमावश्यकचूर्णी विमर्शः प्राक्तनैः कृतः / ततश्च्युत्वा वज्रनाभो ज्ञानत्रयसमन्वितः // 13 // श्रीनाभिनामा कुलकृत् मरुदेवी तु तत्प्रिया / तस्याः कुक्षिक्षीरसिन्धौ समुत्पेदे सुधांशुवत् // 94 // युग्मम् //