________________ 288 / महोपाध्यायश्रीमन्मेघविजयविरचितम् महोपाध्यायसीमा [ श्रीपार्श्व राजनाजन्मतः शुद्धो नयी च विनयी जयी / त्वयीह भक्तिभाग् राजा नरवर्मा स्वशर्मणे // 281 // यतिव्रतमुपादित्सुर्दत्त्वा दानं यथोचितम् / / चैत्यवैयावृत्त्यकृत्यान्युञ्चित्याचिन्त्यबोधवान् // 282 // त्यक्त्वा राज्यमथादत्त दीक्षां श्रीजैनसद्गुरोः / प्रसेनजित् तत्तनयः शास्ति स्वस्तिकरः प्रजाम् // 283 // त्रिभिर्विशेषकम् तत्कन्या सद्गुणैर्धन्या सप्रभाऽस्ति प्रभावती। अस्या दम्भात् किन्तु रम्भाऽवतरद् भुवि रूपभाक् // 284 // गता साऽन्येधुरुद्यानजिनगेहे सखीवृता / अभ्यर्च्य प्रतिमा जैनीरशृणोद् गीतमद्भुतम् / 285 / गीयमानं किन्नरीभिः श्रीपाहिद्गुणोदयम् / तापपरभागेन सुभगाऽजनि तन्मयी // 286 // मुक्तालङ्कारवसनाहारां तां वीक्ष्य भूपतिः / स्वयंवरां पार्श्वपार्श्वे मुमुक्षुर्यावताऽभवत् // 287 // ज्ञात्वा तद्वृत्तमज्ञत्वात् यवनः पवनोद्धतः / अरुणद् बलमादाय कुशस्थलपुरं छलात् / 288 / मां स प्रैषीद् भवद्ज्ञप्त्यै साम्प्रतं साम्प्रतं विभोः / ___ कार्य पूर्वप्रेमधुर्य नाऽवधायं तदन्यथा // 289 // आकर्ण्य कर्णसावर्ण्य दधानो वीर्यधैर्यवान् / __ अश्वसेनः स्वसेनां द्राक प्रगुणीकृतवान् कृती // 290 // तन्मत्वा प्रावदत् पार्श्वकुमारः स्फारसारवान् / तात मा मादिश दिशं तां जित्वा करवै सुखम् // 291 // तदादिक्षत् सर्वदिक्षु जित्वरं त्वरया प्रभुम् / चचालाऽनेकभूपालैः साकं देवोऽपि सोत्सवम् // 292 // गजैजैस्तुरङ्गाणां प्रयाणे रेणुरुत्थितः। दिशोऽन्धकारयश्चक्रे श्यामलानरिसैनिकान् / 293 / प्रससार प्रतापार्कतेजस्तदैजयन् रिपून् / कवलीकृत्य तद्वीय दिशोऽपि धवलीकृताः / 294 / स्थित्वा कुशस्थलोद्याने पटावासेषु भूरिषु / तमुद्दिश्य मुमोच द्राक् दूतं सन्देशपेशलम् // 295 //
