________________ चरितम् ] लघुत्रिषष्टिशलाकापुरुषचरितम् [ 287 % 3D तत्राऽभीयुर्दिक्कुमार्योऽप्यष्टाधोलोकतः पुरा / __भोगंकरा भोगवती सुभोगाद्याः सहानुगाः // 266 / / नत्वाऽर्हन्तं तदम्बां च चक्रुः संवर्तमारुतम् / येन योजनमात्रा भूः शुद्धा स्याद् दोषशोषणात् // 267 // अष्टोज़लोकादीयुस्ता दिक्कुमार्यो महोत्सवे / मेघंकरा मेघवती सुमेघाद्याः युताः सुरैः // 268 // विकुर्व्य मेघं सिक्त्वोर्वी पुष्पवृष्टिपुरस्सरम् / स्वौचित्यदिशमुद्दिश्य गायन्त्यस्तस्थुरुत्सवे // 269 // इत्यादिदिक्कुमारीणां विधिरागममध्यगः / सर्वः सुपर्वभिः सार्द्ध वेद्योऽनवद्यबुद्धिभिः // 270 // मेरुं नीत्वा प्रभुं सर्वेऽप्यच्युतेन्द्रादयः स्वयम् / ___ अभ्यषिञ्चन् भक्तिसक्ताः क्षीरनीरनिधे रसैः // 271 // ईशानेन्द्रः स्वाङ्कमध्येऽस्नापयज्जिननायकम् / चतुर्वृषभरूपैश्च शक्रोऽस्नपयदम्बुभिः / 272 / आरात्रिकं भ्रामयित्वा कृत्वा मङ्गलदीपकम् / ___ पुरोऽष्टमङ्गली न्यस्य तुष्टस्तुष्टाव भावतः // 273 // जय त्वं जयलक्ष्मीश त्रिलोकी रञ्जयांशुभिः / दुष्कर्म भञ्जयाऽ'सक्तभक्त्यासक्ततनूभृताम् // 274 // अङ्गुष्टेऽमृतमाधाय विमुच्याऽम्बान्तिके प्रभुम् / आदिश्याऽप्सरसो धात्रीहरिनन्दीश्वरे ययौ // 275 // अश्वसेननृपः प्रातः पुरशृङ्गारणादिकम् / गीतवादित्रनृत्यायैर्विदधेऽधिकमुत्सवम् // 276 // पार्श्वे प्रसर्पत्सर्पस्य स्वप्ने मातुः समीक्षणात् / पार्श्वनामादधे पित्रा ववृधे भगवानपि / 277 / अगे स्पष्टतमाष्टाग्रसहस्रलक्षणोदयः / नवहस्ततनुर्भूत्वा सत्त्ववानाप यौवनम् // 278 // सहजातिशयैर्युक्तः शक्तोऽवार्यातिवीर्यवान् / आनन्दं नन्दयामास सकलेऽपि महीतले // 279 // एकदा कश्चिदागत्य कुशस्थलपुरान्नरः / राज्ञे विज्ञपयामास नरवर्मनृपस्थितिम् // 280 // 1 असक्त अनवरत /
