________________ 256 ] महोपाध्यायश्रीमन्मेघविजयविरचित्तम [ श्रीनेमिनाथ वत्सरावधिशोकेन प्रेतकार्याणि पाण्डवाः / चक्रिरे भवविस्तारादुद्विग्नास्ते बभूविरे // 536 // जिघृक्षून व्रतसाम्राज्यं मत्वा नेमिजिनस्तदा / धर्मघोषं साधुपश्चशत्या सह समादिशत् / 537 / राज्ये न्यस्य जरासूनुं द्रौपद्यादिसमन्विताः। व्रतमादाय विदधुस्तपः साधुजनोचितम् // 538 // कुन्ताग्रेणोंछमात्रं तद् ग्रहीष्यामीत्यभिग्रहम् / भीमश्चक्रे मासषट्कात तस्याऽभूत् परिपूर्णता // 539 // . निर्वाणसमयं ज्ञात्वा प्राप रैवतकं प्रभुः / पादपोपगमं धृत्वा मासिकाऽनशनं दधौ // 540 // स षट्त्रिंशत् पश्चशत्या साधुभिः सह सर्ववित् / __शुचिमाससिताष्टम्यां चित्रेन्दौ शिवमासदत् / / 541 // तस्याऽतीयाय कौमारे त्रिशती शरदां ततः / छाअस्थ्ये केवलित्वे च सप्तवर्षशती ययौ // 542 // सर्व वर्षसहस्रायुरस्य राजीमती पुनः / चतुर्वर्षशती गेहे वत्सरं छद्मनि स्थिता // 543 // पञ्च वर्षशती तस्याः कैवल्ये व्यतिचक्रमे / शिवा-समुद्रविजयौ तुरीयां दिवमीयतुः // 544 // श्रीनमिस्वामिनिर्वाणात् पश्चलक्षसमान्तरे / द्वाविंशजिननिर्वाणकल्याणकमहोऽभवत् / 545 / श्रुत्वा कल्याणकं नेमेः पाण्डवाः पञ्च निर्धताः / सिद्धाचलं समारुह्य मासिकानशनादरात् // 546 // शैवेयचरितं शृण्वन् प्राप्नुयात् सर्वतः शिवम् / __ कल्याणकानि श्रेयांसि लभते दीर्घजीवितम् // 547 // श्रीहेमचन्द्रोदितजैनवाक्याम्भोधेविंशोधेरिव शुद्धबोधे / उद्धृत्य मेघेन भृते सुधायाः कुम्भोपमेऽत्राऽष्टमपर्व रेजे // 548 // इति श्रीलघुत्रिषष्टीयचरिते विनयविलासनाम्नि श्रीनेमिनाथचरितं रामकृष्णचरितसहितं सम्पूर्णम् // ग्रंथान 548 // . 5 // 546 //
