________________ चरितम् ] लघुत्रिषष्टिशलाकापुरुषचरितम् [ 235 न चेत् त्वदिष्टस्य वधे पश्चकस्य करिष्यते / यथानुबन्धं न्यायेन मया वैरविशोधनम् // 219 // मथुरातो गते सोमे होमे नृणां रणानले / उपस्थिते विमर्शेऽस्मिन् क्रोष्टुकिः शौरिणाह्वत // 220 // पृष्टः स यादवैः सर्वैः प्रोचेऽर्द्धचक्रिता हरेः / बलदेवरमारामे भाविनी तस्य घाततः / 221 // प्रतीच्यामधुना गम्यं रम्यं जलनिधेस्तटे / उद्दिश्याऽभ्युदयस्तत्र भावी तत्र भवत्सु वै / 222 / सत्यभामा पुत्रयुगं प्रसूते यत्र चास्पदे / निवेश्य नगरी तत्र स्थातव्यं सर्वयादवैः // 223 // एवं समुद्रविजयो निश्चित्य निर्ययौ रयात् / एकादशकुलकोटीसहितो मधुरां जहौ // 224 // गत्वा शौर्यपुरे समं यदूनां कुलकोटयः / आदाय चलितः शौरिरुपसेनान्वितो द्विधा / 225 / तनिग्रहाय तत्पृष्ठे जरासन्धः समादिशत् / कालं स्वतनयं राज्ञां पञ्चशत्या समं रुषा // 226 // आनयिष्येऽम्बुधेमध्ये प्रविष्टान् यादवान् दवात् / प्रतिश्रुत्येति सदसि कालश्वचाल बालधीः // 227 // विन्ध्याचले यदुबलादनन्तरालमागतम् / कालं विमृश्यैते देवाः कृष्णसेवां रसाद् व्यधुः // 228 // रुदती जरतीमेकां रामकृष्णचितान्तिके / निरीक्ष्य कालः पप्रच्छ का त्वं रोदिषि तत् कथम् // 229 / / साऽप्याह कालागमनादविचालाद् भयाकुलौ / / रामकृष्णौ चितामेतां प्रविष्टौ ज्वलितेऽनले // 230 // वदन्तीति स्वयं वृद्धा पपाताऽग्नौ झटित्यपि / - तावाक्रष्टुं स्वयं कालोऽनलान्तरालमाविशत् // 231 // एवं देवविधानेन प्लुष्टे भ्रष्टे रिपोर्बले। .. जग्मुर्यादवभूपालाः सुखेनाऽम्भोनिधेस्तटम् // 232 // भामा प्रसूता द्वौ पुत्रौ तत्राराध्याम्बुधेः पतिम् / सुस्थितं प्रकटीचक्रेऽष्टमकृत् कृष्णपार्थिवः // 233 //
