________________ 230 ] महोपाध्यायश्रीमन्मेघविजयविरचितम् [ श्रीनेमिनाथ गाढालिङ्गनतः प्रेम्णाऽनुचितैर्वाप्रपश्चितैः / खेदितो मुनिरप्यूचे मुग्धे जानासि किं न हि // 145 // यस्या विवाहः क्रियते तस्या गर्भस्तु सप्तमः / हंता पत्युः पितुर्भावी तयाऽश्रावीति दुर्वचः // 146 // ज्ञाते तद्वचने पत्याऽपत्यानि सप्त शप्तवत् / अयाचिषत देवक्या वसुदेवः सुहृद्वरः // 147 // वसुदेवोऽपि तद्वाचं प्रत्यपद्यत शुद्धधीः / नावयोरन्तरं किञ्चिन् मैत्रीहक् सत्सु निश्चिता // 148 // देवकी स्वामिवचसाऽनुमेने तददम्भभाक् / जातमात्रं गर्भषट्कं कंसेन जगृहे मुदा // 149 // तदा नागवणिपत्नी सुलसा राधितस्तया / नैगमैषी मृतापत्यं चिक्षेप देवकीपुरः // 15 // पुत्रान् षड् देवकी जातान् सुलसायाः पुरो न्यधात् / सुलसायाः सुता एते इत्यऽवर्द्धन्त धार्मिकाः // 151 // आद्योऽनीकयशोऽनन्तो जितसेनो हतारिकः / देवयशाः शत्रसेन इत्यमी भाग्यभाजनम् // 152 // ऋतुस्नाता देवकी साऽपश्यत् स्वप्नान क्रमानिशि / ___सिंहसूर्याग्नीभकेतुविमानान् सरसा च षड् // 153 // शुक्राच्च्युत्वा गङ्गदत्तो देवकीकुक्षिमागमत् / / __'नभोऽसिताष्टमीमध्यरात्रे साऽसूत दारकम् // 154 // समये कंससुभटा निद्राणाः सुरसन्निधेः / वसुदेवस्तमादाय निर्ययौ पुरंगोपुरे // 155 // देवतानि दधुः छत्रं पुष्पवृष्टिपुरस्सरम् / दीपाष्टककृतोद्योतस्तन्नास्खलदयं क्वचित् // 156 // पुरो वृषभरूपेण द्वारोद्घाटनतः पुरः / उग्रसेनं पञ्जरस्थं ज्ञापयन् स ययौ बहिः // 157 // नाकुलो गोकुलं नीत्वाऽर्पयन् नन्दयशोदयोः / ___ तत्सुतां तत्क्षणे जातां लात्वाऽगाद् गर्भमन्दिरे // 158 // विपर्ययमिमं कृत्वा वसुदेवः स्वमास्पदम् / जगाम यामिकाः कंसादिष्टा जागरमासदन् // 159 // 1 नभसः श्रावणस्य /
