________________ चरितम् ] लघुत्रिषष्टिशलाकापुरुषचरितम् [ 221 तद् विज्ञाय पिता दूतप्रेषणेनाऽचलाधिपम् / अनुज्ञाय धनवतीं धनेन पर्यणाययत् // 9 // एकदोद्यानमासीनं चतुर्ज्ञानधरं मुनिम् / वसुन्धरं प्रणम्यवाऽपृच्छद् विक्रमभूपतिः // 10 // राझ्याऽऽनवापो नवशः प्रैक्षि तत्फलमादिश / ततो मुनिः केवलिनं मनसाऽपृच्छदुद्यतः // 11 // चरितं नेमिनो भावि केवलज्ञानिनोदितम् / मनोऽवधिभ्यां विज्ञाय स मुनिर्भूभुजेऽवदत् // 12 // एकत्रोद्यानगः साधुः क्षुत्तृड्बाधेन मूर्च्छितः / धनवत्योपचरितो धनेन सममातपे // 13 // मुनिचन्द्रो धर्मलाभं भणस्ताभ्यां पटूकृतः / सम्यक्त्वमूलं श्रीजैन धर्म दत्त्वा ययौ ततः // 14 // राज्यमासाद्य धर्मिष्ठो धनस्त्रिवर्गसाधनः / प्रान्तेऽनशनकृत् साकं धनवत्या दिवं ययौ / 15 / अजायतां च सौधर्मे देवौ सामानिको हरेः / . सूरतेजःपुरे सूरविद्युन्मत्योः सुतो धनः // 16 // नाम्ना चित्रगतिविद्याधराणामग्रणीरभूत् / धनवत्यपि वैताढथे नगरे शिवमन्दिरे // 17 // अनङ्गसिंहनृपतेः पट्टराज्ञी शशिप्रभा / तयोः पुत्री रत्नवती बभूव वल्लभा पितुः // 18 // पृष्टो ज्ञानी को वरोऽस्या यस्ते खड्गं हरिष्यति / . पुष्पवृष्टिर्यदुपरिभाविनी सिद्धवेश्मनि // 19 // इतश्चक्रपुरे भूपः सुग्रीवोऽस्य प्रियाद्वयम् / आद्या यशस्विनी भद्राऽन्या सुमित्रोऽग्रिमाङ्गजः // 20 // राज्याशया विषं प्रादात् सुमित्राय दुराशया / भद्रा जातेऽपवादे द्राङ्नष्टा चौरैरुपद्रुता // 21 // सुमित्रं निर्विषं चक्रे प्राप्तश्चित्रगतिस्तदा / मैत्र्यात् ताभ्यां नतः प्रेम्णा सुयशा नाम केवली // 22 // सुमित्रेण सचित्रेण श्राद्धधर्म उपाददे / पृष्टः सुग्रीवभूपेन ज्ञानी भद्रागतिं जगौ // 23 // चौरः क्रीता वणिकपाधै ततो नष्टा दवान्मृता / प्रथमं नरकं प्राप्य चाण्डालीभवभाजनम् // 24 //
