________________ [ 219 चरितम् ] लघुत्रिषष्टिशलाकापुरुषचरितम् नराभिरामजीवोऽस्या गर्भेऽवतीर्णवान् शुभैः / चतुर्दशस्वप्नवीक्षापूर्व साऽसूत चाङ्गजम् // 6 // हरिषेण इति ख्याता पित्राऽपि स्थापिताऽभिधा / तिथिप्रमाणचापोच्चः पैतृकं राज्यमन्वशात् // 7 // तस्यायुधगृहेऽन्येचुरुत्पन्नं चक्रमुज्ज्वलम् / अपराण्यपि रत्नानि यथार्हस्थानि जज्ञिरे // 8 // प्रागुक्तचक्रिरीत्यैव भरतं वरतन्त्रवित् / साधयन्नेधयाश्चक्रे भूचक्रे शक्रविक्रमः // 9 // पुरुषार्थान् पटूचक्रे चतुरश्चतुराग्रणीः / षट्सु खण्डेष्वखण्डाज्ञः परस्परानऽबाधया // 10 // कौमारे चक्रिणोऽप्यागात् सपादाऽन्दशतत्रयी / सैव मण्डलिभावेऽपि सार्द्ध वर्षशतं जये // 11 // चक्रित्वेऽष्टसहस्राणि शतान्यष्ट व्रते पुनः / - सार्द्ध शतत्रयं चाब्दं सर्वायुरयुतं समाः // 12 // प्रव्रज्यामाप्य सुगुरोरनतीचारपूर्वकम् / प्रपाल्य केवलीभूय लेभेऽव्ययसुखं क्रमात् // 13 // / इति श्रीलघुत्रिषष्टीये हरिषेणचकिचरितं सम्पूर्णम् // ग्रं. 13 श्लोकाः // श्रीजयचकिचरितम् / / समर्थः श्रीनमेस्तीर्थे चक्री जय इति क्षितिम् / भारती सारतीवांशुः प्रांशुतेजा अदीदिपत् // 1 // स पूर्वजन्मन्यजनि नाम्ना नृपो वसुन्धरः / क्षेत्रेऽप्यैरावते जम्बूद्वीपे श्रीपुरनायकः // 2 // पनावत्याः स्वकान्ताया निधनात् स धनादिकम् / * समुत्सृज्य परिव्रज्य मृत्वाऽगात् सप्तमे दिवे // 3 // मागधे विषये राजगृहे स जगृहे भवम् / विजयक्ष्मापतेर्वप्रा प्रियाऽस्याः कुक्षिसमनि // 4 // ऐक्षतेयं गजवृषप्रमुखान् स्वप्नकान् निशि / चतुर्दश चातुरन्तचक्रवर्तित्वसूचकान् // 5 // प्रसूताऽसौ प्रसूः काले तनयं संज्ञया जयम् / धनुर्द्वादशकोनत्या जयन्तं तेजसा जयम् // 6 //
