________________ 192 ] महोपाध्यायश्रीमन्मेघविजयविरचितम [ श्रीपद्म परिव्रज्यां ग्रहीष्यामः स्मरामः कामशासनम् / अप्रमेयबलः साधुश्चतुर्ज्ञानी समीयिवान् // 889 // तस्यामेव निशि प्रापत् स केवलमपि व्रती।। तं वन्दितुं गतौ रामलक्ष्मणौ सेनया समम् // 890 // कुम्भकर्णादयोऽप्येत्य शुश्रुवुर्धर्मदेशनाम् / पप्रच्छतुर्देशनांते रावणी तं निजान भवान् / 891 / कौशाम्ब्यां बान्धवौ जातौ युवां प्रथमपश्चिमौ / भवदत्तमुनेः पार्श्वे व्रतीभूतौ विजहतुः // 892 // कौशाम्ब्यामागतौ भूयः पश्यतः स्म सविस्मयौ / नन्दिघोषनृपं जायेन्दुमुख्याक्रीडनापरम् // 893 // साधुभिर्यिमाणोऽपि निदानान्न न्यवर्त्तत / निदानं पश्चिमोऽकार्षीत् भूयासं तनयोऽनयोः // 894 // रतिवर्द्धननामाऽऽसीत् पुत्रो नारीभिरन्वितः / चिक्रीडाक्रीडदेशेषु निदानफलमीदृशम् / 895 / प्रथमो निनिदानस्सन् सुरः पञ्चमकल्पगः / साधुवेषेण तत्रैत्य बोधयामास बान्धवम् // 896 // प्राग्भवाख्यानतः प्राप्तजातिस्मृतिरिलापतिः / रतिवर्द्धनोऽपि तं कल्पं श्रमणीभूय लब्धवान् // 897 // च्युतौ ततो विदेहान्तर्विबुद्धनगरे वरे / भ्रातरौ प्रीतितोऽभूतां व्रतान्मृत्वाऽच्युते सुरौ / 898 / ततो विपद्य सजातौ रावणी स्त्रीन्दुमुख्यपि / भवान् भ्रान्त्वा प्रेमभरान्मन्दोदरी बभूव सा // 899 // प्रावाजिषुः कुम्भकर्णादयो भवविरागतः / प्रवेशितश्च लङ्कायां रामो बिभीषणेन च // 10 // गत्वोद्याने जानकी सोऽधिरोप्यांक समामिलत् / __ जीवितं सफलं मेने राघवः स्वाघवारणात् // 901 // अङ्गमस्या वियोगिन्या योगिन्या इव स व्रतम् / मन्यमानः स्वीयबाहुपाशं तस्या गले न्यधात् // 902 // जीयादियं सती सीता प्रीता न रावणोक्तिभिः / भीता व्रतविघातिभ्यो नाजन्येभ्योऽपि धन्यधीः // 903 //
