________________ 182 ] महोपाध्यायश्रीमन्मेघविजयविरचितम् | श्रीपद्म ततोऽमुचनागपाशं दशास्यतनयोऽनयात् / ___बद्धं मारुतिमानिन्ये रावणी रावणान्तिकम् // 736 // त्वं ममाऽनुचरः कस्माद् भूत्वा मदरिसेवकः / कष्टेऽस्मिन् पतितो दौत्यान्न वध्यो हनुमन्मम // 737 // इत्युक्तराञ्जनेयोऽपि प्रोचे तं भृत्यकृत्यकृत् / कदापि नाऽहं न पिता कष्टे साहायकः क्वचित् // 738 // त्वं न सेव्यो भटैरन्यस्त्रीसेवालम्पटः स्फुटम् / वस्तु यत् परभुक्तं तदाचर्य नार्यपूरुषैः / 739 / लङ्कायां प्रतिरथ्यं तद् भ्राम्योऽयं चौरवत् कपिः / रावणादेशनं श्रुत्वा त्रोटयन्नागबन्धनम् // 740 // दशास्यमौलिं पद्धत्या चूर्णीकृत्य समुत्पतन् / जगाम मारुती रामं चूडारत्नं समर्पयत् // 741 // तां प्रवृत्ति समाकर्ण्य रामः सौमित्रिणा समम् / सुग्रीवाद्यवृतो लङ्काविजयाय ततोऽचलत् // 742 // भामण्डलो नलनीलौ महेन्द्रः पावनञ्जयिः / __ विराधश्च सुषेणश्च जाम्बवानङ्गदोऽपि च // 743 // मदनाङ्कुरसन्तापप्रतापाक्रोशनन्दनाः / दुरितानयपुष्यास्त्रविघ्नप्रीतिकरादयः // 744 // चेलालकरालास्ते सद्यो विद्याधराः परे / शङ्खादिवादित्ररवैः पूरयन्तो दिगन्तरम् // 745 // . समुद्रोपरिसञ्चारिरामसैन्यावलोकनात् / वेलंधराचलाधीशावयुद्धयेतां पुरस्सरौ // 746 // नलोऽबध्नात् समुद्राख्यं नीलः सेतुं गृहीतवान् / रामः स्वसेवकीकृत्य तौ तथैव न्यवीविशत् // 747 // पूर्व रावणभक्तौ तौ बद्ध्वा ताभ्यां समं चमूः / ___ तद्दर्शितस्वल्पनीराम्भोधौ चचाल सेतुना // 748 // दृश्यते चाऽधुनाऽगाधनीरेऽल्पबहुलस्थितौ / तद्द्वानिवचनात् पालिवन्धः सिन्धौ न चाद्भुतम् // 749 // सुवेलाद्रौ सुवेलं च हंसद्वीपपतिं तथा / नाम्ना हंसरथं जित्वाऽनुचरं तं सहाददे // 750 / /
