________________ 180 ] महोपाध्यायश्रीमन्मेघविजयविरचितम् [ श्रीपद्म पिताऽस्माकं वरार्थ चाऽपृच्छन् मुनिमुवाच सः / यः साहसगतेर्हन्ता भाव्येतासां वरः स हि // 706 // वरज्ञानाय विद्यानां साधनायोद्यता वयम् / रक्षिता द्विषता दीप्तवढेरलाय वृष्टितः 1707 / मारुतिः प्राह हतवान् रामः साहसखेचरम् / तन्मत्वा तत्पिता रामं जगाम कन्यकायुतः // 708 // लङ्कां ययावाञ्जनेयो विद्याणाशालिकापुरः (1) / स्थितस्तयाऽभाणि भोज्यं मुखे प्रविश तुष्टये // 709 // प्रविश्य मारुतिस्तस्या जठरान्निर्ययौ रयात् / तत्कृतं वह्निवरणमभाङ्क्षीद् वृष्टिविद्यया // 710 // द्वास्थं वज्रमुखं हत्वा चलितेऽग्रे हनूमति / विद्याबलवती लङ्कासुन्दरी द्वास्थनन्दनी / 711 / आरेभेऽदम्भसंरम्भं निरस्त्रां प्रविधाय ताम् / स्वरूपं दर्शयन्नेतां विमोद्योपायतः स्वयम् // 712 // युग्मं // तदाऽस्ताचलमारुह्य झम्पापातात् पयोनिधेः / / तारामिषा व्योम्नि किं तेऽप्युत्तस्थुरुदबिन्दवः // 713 // गते भासां विभावस्तं सङ्कुचद्वपुषस्त्विषः / तारावतारात् खे तेनुः प्रत्याशं स्वाश्रयाशयाः // 714 // आरामसुमनोनन्दि सरोदयमयं विदन् / प्रविश्य लङ्कां निश्श विभीषणगृहं ययौ // 715 // मोचयैनां रामपत्नी भ्रातुर्वधनतो नमन् / __ इत्युक्त्वा देवरमणोद्याने सीतामुपेयिवान् // 716 // रुदती म्लानवदनामनलङ्कारधारिणीम् / दीनां नदीनां पूरस्य जित्वरीमश्रवारिभिः / 717 / जानकी वीक्ष्य हनुमान्ननु शीलवती ह्यसौ / रामागुलीयकं तस्या दधावंके जहर्ष सा // 718 // रावणाय प्रमोदोऽस्याः ज्ञापितस्त्रिजटाख्यया / मन्दोदरी समेत्यैनां प्राह देवि वचः शृणु // 719 // कान्तोऽस्त्यनन्यसामान्यः स्थाम्ना धाम्ना दशाननः / येन सम्भोगमिच्छन्ति विवशास्त्रिदशाङ्गनाः // 720 //
