________________ 168 ] महोपाध्यायश्रीमन्मेघविजयविरचितम [ श्रीपद्म द्वे कक्षाभ्यां द्वे कराभ्यामेकां दन्तैश्च लक्ष्मणः / अग्रहीज्जितपद्मायाः सहैव वरणस्रजा / 521 // पुर्यामानीय काकुत्स्थं सीतया लक्ष्मणेन च / राजा व्याजाद् विना भक्तिं महतीं विदधे पुनः // 522 // .. चलित्वाऽतो पत्तनेऽगात् वंशस्थले स राघवः / ___ लोकं सशोकमत्रेक्ष्य पप्रच्छाऽच्छधियं नरम् // 523 // तेनोक्तं देवशैलेऽस्मिन् ध्वनिरुत्पद्यतेऽसहः / सौमित्री रामनिर्देशादारुरोह नगं रयात् 524 / मुनी कायोत्सर्गलीनौ दृष्ट्वा भक्त्या ववन्दिरे / त्रयोऽपि रामोऽग्रे मुन्योर्वादयामास वल्लकीम् // 525 // रम्यं गेयं जगौ तत्राऽनुजः सीता ननर्त च / मुन्योरुपद्रवं चक्रे रात्रौ देवोऽनलप्रभः // 526 // ताभ्यां जितः सुरः स्थाने गतः केवलमीयतुः / ज्ञानं तत्समये साधु देवैस्तन्महिमा कृतः // 527 / / अथोपसर्गकर्ता यो मुन्यो रामेण निर्जितः। स कः केनाऽत्र वैरेणोपससर्जेति चोच्यते // 528 // रामपृष्टोऽब्रवीदेकः स्वाख्यया कुलभूषणः / पद्मिनीनगरे भूपोऽभवद् विजयपर्वतः // 529 // अमृतस्वरस्तु दूतस्तस्य राज्ञोऽतिपण्डितः। प्रियोपयोगा तत्पुत्रावुदितो मुदितोऽपि च // 530 // कान्तादूतस्योपयोगा वसुभूतिद्विजन्मना / आसक्ता तत्पतिर्मार्गे हतश्च वसुभूतिना // 531 // प्रत्यगात् स तयासक्तेजिघांसुस्तत्सुतावपि / उदितो मुदितश्चेति बुबुधे तत्प्रियामनः // 532 // उदितो ज्ञापितस्तन्व्याऽपीjया तेन घाततः / वसुभूतिहतो मृत्वा म्लेच्छः कुत्राऽप्यजायत // 533 // मतिवर्द्धनतो धर्म श्रुत्वा विजयपर्वतः / उदितेन समं दीक्षामाददे मुदितेन च // 534 // संमेते चैत्यनमने पथि म्लेच्छे वधोद्यते / तत्स्वामिना रक्षितौ तावुदितो मुदितोऽपि सः // 535 // म्लेच्छस्वामी पूर्वभवे पक्षीव्याधाद् विमोचितः / कृषीबलभवे ताभ्यां तत्फलं तेन रक्षितौ // 536 //
