________________ 166 ] महोपाध्यायश्रीमन्मेघविजयविरचितम [ श्रीपञ तापी सरितमुत्तीर्य रामो ग्राम जगाम तम् / नाम्नाऽरुणं कपिलस्य द्विजस्यालयमाविशत् // 493 // सुशर्माऽऽख्या द्विजवधूः सत्कृत्याऽपाययज्जलम् / सीतां तदैक्ष्य भूदेवः कपिलः कोपवान् जगौ // 494 // किमेतद् विहितं पापेऽग्निहोत्रमशुचीकृतम् / लक्ष्मणस्तं द्विजं कोपाद् बढुं विक्रममाश्रयत् // 495 // रामेण वा रितस्तस्माद् रामोऽरण्यमगान् महत् / प्रावृट्कालश्वोपतस्थे तस्थौ रामो वटादधः // 496 // इभकर्णस्तत्र यक्षः क्षुब्धो रामस्य तेजसा / गोकर्ण स्वप्रभुं गत्वा तमाख्यद् रामसंश्रयम् // 497 // तेनोक्तः कुरु सेवां भो ! एतौ बलहरी वधूः / सीता प्रतीता शीलेन तत्सेवा दुर्लभा सखे ? // 498 // तत्राऽऽगत्य पुरी नव्यां विचक्रे रामतुष्टये / विस्तृतां नवयोजन्यां दैर्घ्य द्वादशयोजनीम् // 499 // नाम्ना रामपुरीत्येषा स्वामी राम भवाऽधुना / पुनानोऽस्मानिति जगौ गोकर्णो यक्षराट् स्वयम् // 500 // कपिलः पङ्किलः पङ्कस्तत्राऽगान् मक्षुभिक्षुकः / चैत्ये तत्र स्थितान् साधून् नत्वा श्राद्धोऽभवगिरा. // 501 // राजवेश्मगतोऽन्वैषीन् मैथिलीरामलक्ष्मणान् / भीतोऽयं तावता प्रोचे लक्ष्मणो धेहि मा भयम् // 502 // तस्मै वितीर्य द्रविणं भूरि रामो विसृज्य तम् / वर्षान्ते चलितुं यक्षमपृच्छत् स्वच्छमानसः // 503 // हारं स्वयंप्रभं सोऽपि ददौ रामाय कुण्डले / लक्ष्मणाय च सीतायै दत्त्वा चूडामणिं ययौ // 504 // संहृत्य नगरी यक्षे गते तौ जानकीयुतौ / श्रीरामलक्ष्मणौ प्राप्तौ विजयाख्यपुरं पुरः // 505 //
