________________ 126 ] महोपाध्यायश्रीमन्मेघविजयविरचितम [ श्रीमुनिसुव्रतजिन तपस्तप्त्वा केऽपि शिवं दिवं वाऽऽपुर्महौजसः / क्रमाद् राजगृहे पित्रादेशाद् देशाधिपोऽभवत् // 18 // सुमित्रनामा ग्रामाणां कोटिर्यच्छासने शुभा / वदान्यानन्यसामान्या प्रकृतिर्यत्र तस्थुषी // 19 // पद्माख्यया तस्य राज्ञी प्रीतिपात्रं गुणोदयैः / रूपातिशयतः साक्षाज्जयन्ती जयवाहिनीम् // 20 // सुरश्रेष्ठस्य जीवोऽथ तद्गर्भेऽवातरद् दिवः / स्वप्नाँश्चतुर्दशाऽपीक्षाञ्चक्रे माताऽजलोचना // 21 // पूर्णायां नमसो जैनावतारे सुखिनोऽङ्गिनः / __नरकेऽप्यभवन् यावन्मुहूर्त तमसः क्षयात् // 22 // अष्टम्यां कृष्णशुक्रस्य जन्माऽजनि जने हितम् / देव्यो देवा व्यधुः सेवां पुण्योदयसमीहया // 23 // गर्भेऽवतीर्णे मुनिवत् सुव्रता जननी बभौ / मुनिसुव्रतइत्यस्य विदधे स नृपोऽभिधाम् // 24 // ज्ञानत्रयधरो बाल्याद् विंशधन्वसमुन्नतः / प्रभावतीप्रभृतिकाः परिणिन्ये नृपाङ्गजाः // 25 // प्रभोः पुत्रः प्रभावत्यां सुव्रतोऽजायत क्रमात् / / __सार्द्धसप्तसहस्रीति कौमारे शरदां गता // 26 // पित्राऽऽगृह्याऽहितं राज्यं प्रपद्याष्टानलंघयत् / सहस्रांस्तिथिभिर्मेयान् ददौ दानं च वार्षिकम् // 27 // लोकान्तिकानां विज्ञप्त्या द्वादश्यां सितफाल्गुने / प्रात्राजीदिन्द्रविहितमहोत्सवपुरस्सरम् // 28 // ब्रह्मदत्तो महे राजगृहेऽस्य जगृहे धनम् / पारणे वृष्टमुत्कृष्टं सार्द्ध द्वादशकोटिकम् / / 29 // मासानेकादश स्वामी छद्मस्थो विहरन् भुवि / __ प्राप्तो बालगुहोद्यानं चम्पकाधोऽप्रकम्पधीः // 30 // द्वादश्यां फाल्गुने कृष्णे केवलज्ञानमासदत् / / चैत्यद्रुमाविंशतितुङ्गश्चत्वारिंशच धन्वनाम् // 31 // शक्रसुव्रतयोः स्तुत्यां पूर्णायां देशनां ददौ / अनन्तशर्मणे भव्यैर्धर्मः कार्योऽयमाहंतः // 32 //
