________________ 124 ] महोपाध्यायश्रीमन्मेघविजयविरचितम् [ श्रीमल्लिनाथ आगताः सम्मुखास्तेऽथ जाताः सर्वे पराङ्मुखाः / दुःखाकरोति गन्धोऽस्या न स्थास्यामोऽधुना क्षणम् // 75 // मल्लिर्वचःपल्लवैस्तान किं यूयं रसिका बहिः ? / अन्तःस्वरूपं रूपस्य पश्यन्तूत्पश्यया धिया // 76 / / इत्यादिवाक्यैः सम्बोध्य तृतीयभवनिर्मिताम् / तपःक्रियां च संस्मार्य चक्रे मल्लिविरागिणः // 77 / / तेऽपि जातिस्मृति प्राप्य बतायोत्सुकतां दधुः / __ भगवानपि दीक्षायां लीनोऽदाद् दानमाब्दिकम् // 78 // कृताऽष्टमतपा जन्मदिनेऽभूत् व्रतसंग्रही / मल्लिमनःपर्ययभाक् केवल्यपि तदाऽभवत् // 79 // चतुःषष्टीन्द्रसंयोगात् स दिदेशोपदेशनम् / भव्याः प्रमादं मा धत्त धत्त धर्मोद्यम शमम् // 80 // तीर्थरक्षाकरो यक्षः कुबेरो गजवाहनः / चतुर्मुखश्चाष्टहस्तो वरदोऽभयदो द्वये // 81 // पशु शूलं दक्षिणतः शक्तिमुद्गरयोर्द्वयम् / मातुलिङ्ग चाक्षसूत्रं वामे दधत् प्रशान्तधीः // 82 // वैरोट्याशासनसुरी श्यामागी कमलासना / अक्षमालां वरदानं दधाना दक्षिणे द्वये / / 83 // वामे शक्तिं मातुलिङ्ग बिभ्राणा करयोये / संघस्य विघ्नसङ्घातं घातयन्ती जिनेशितुः // 84 // पञ्चपञ्चाशत् सहस्राः संवत्सरशतोनिताः / कैवल्येन यथुःवर्षशतं कौमारधारणे // 85 // स साध्वीनां पञ्चशत्या तावत्यैव तपस्विनाम् / सहैवानशनीभूय सम्मेताद्रौ शिवं ययौ // 86 // द्वादश्यां फाल्गुने शुक्ले मासान्ते शिवयायिनः / चक्रुः कल्याणकमहं देवाः स्थानं प्रपेदिरे // 87 // निर्वाणादरतीर्थेशः श्रीमल्लिजिननिर्वृतिः / वर्षकोटिसहस्रान्ते जाता समयनिश्चयात् // 88 // इति श्रीलघुत्रिषष्टीयचरिते मल्लिचरितं संपूर्णम् // श्रीः ग्रं. 88 //
