________________ 114 ] महोपाध्यायश्रीमन्मेघविजयविरचितम् श्रीषष्ठबलभद्रमाधवयोः वर्षषष्टथाऽस्य दिग्यात्रा चतुःषष्टिसहस्रथपि / राज्ये चत्वारिंशदब्दाः शेषं कौमारधारणे // 21 // पश्चाशीत्यब्दसाहस्रीमायुरापूर्य बोधवान् / सुमित्रसूरेदर्दीक्षायां सिद्धः केवलतो बलः // 22 // इति श्रीलघुत्रिषष्टीये चरिते षष्ठबलभद्रमाधवयोश्चरित्रं संपूर्णम् // ग्रं. 22 श्रीअष्टमक्रिसुभूमचरितम् / श्रीमदष्टादशस्पष्टाऽहतस्तीर्थे बभूवतुः / बलो हरिस्तच्चरित्राच्चक्रिणस्तदनूच्यते // 1 // इह श्रीभरतक्षेत्रे विशालपत्तनेऽभवत् / भूपालः पञ्चमो लोकपाल एवाऽवनिस्थले // 2 // अन्यदारिपुरं लिप्सुः पराभूतो रिपुवजैः / परिव्रज्यामुपादत्त सम्भूतगुरुपादतः // 3 // साभोगभोगानां भोक्ता भूयासं तपसाऽमुना / निदानमकरोदेवं महाशुक्रं दिवं ययौ // 4 // इतः प्रथमतीर्थेशः कुरुनामाङ्गजोऽजनि / तत्पुत्रोऽन्यूनशौर्येण हस्तीव हस्तिराडभूत् // 5 // स्थापितं हास्तिनपुरं स्वनाम्ना तेन भूभुजा / वंशेऽस्याऽनन्तवीर्योऽभूदार्यधीधैर्यसेवधिः // 6 // वसन्तपुरवास्तव्यो दग्निनामाऽतिदुर्गतः / निसर्गतो दुःखपात्रं समागात् तापसाश्रमे / 7 / जमो नाम्ना कुलपती रक्षारक्षवच्च तम् / ___ जमस्य दग्निनामाऽयं शिष्यस्तज्जमदग्निकः // 8 // तपसा ख्यातिमापन्नो धन्वंतरिरुपासकः / श्राद्धो वैश्वानरः पूर्वभवे कोऽपि सुरः स्फुरन् // 9 // धर्मे शैवे तथा जैने परीक्षायै च तावुभौ / भ्रमन्तौ मुनिमद्राष्टां नृपतिं नवदीक्षितम् // 10 // अभ्याहृते भक्तपाने दीयमाने तदा मुनिः / नैच्छत् क्षुधातृषापूर्णस्तप्तरथ्याज्वलत्क्रमः // 11 // आनुकूल्यात् प्रातिकूल्यात् ताभ्यां कृतोपसर्गभाक / नृपः पद्मरथः क्षुब्धो न मनाक् सुमनावतात् // 12 // तं प्रशस्य गतौ तौ च जमदग्नि परीक्षितुम् / तस्याऽस्य केशजालान्तश्चटको नीडमाधित // 13 //
