________________ 98 ] महोपाध्यायश्रीमन्मेघविजयविरचितम् [श्रीशांतिनाथनिहतारिनृपस्य द्वे प्रियमित्रामनोरमे / पुत्र्यौ मेघरथस्यास्तां पत्न्यौ प्रीतिरतिप्रभे // 78 // कनिष्ठा तनयाऽस्यैव सुता सुमतिनामिका / भार्या दृढरथस्याऽऽसीद् दासीकृततिलोत्तमा // 279 // सभासीने मेघरथे पुत्रपौत्रसमन्विते / प्रश्नोत्तरविधिज्ञे मिथो विद्यापरीक्षणे // 280 // कथं सम्बोध्यते ब्रह्मा दानार्थे धातुरस्ति कः / कः पर्यायश्च योग्यायाः को वालंकरणं नृणाम् // 281 // कलाभ्यासः / दण्डनीतिः कथं पूर्व महाखेदे क उच्यते / कोऽबलानां गतिलोकपालः कः पश्चमो मतः // 282 / / महीपतिः / किमाशीर्वचनं राज्ञां किं शम्भोस्तनुमण्डनम् / __कः कर्ता सुख-दुःखानां पात्रं च सुकृतस्य किम् // 283 // अज्ञानादन्यलोकस्य तत्र मेघरथोऽब्रवीत् / प्रस्तुतं वस्तुतो राज्ञा प्रस्तुतं च तदुत्तरम् / 284 / जीवरक्षाविधिः / सुखदाता शशाङ्के का मध्ये वा भुवनस्य कः / निषेधवाची कः शब्दः का संसारविनाशिनी // 285 // स्वयं तीर्थकृता राज्ञाऽवादि वादिजनेऽस्वने / __ सभ्यैः पुण्यबलाल्लभ्यैरीडितं च तदुत्तरम् // 286 // भावना / इतश्च काचिद् गणिका प्राप्ता राजसभान्तरे / लक्षद्रव्यं पणीकृत्य कुक्कुटोपरि युद्धतः / 287 / तद्रणेरणमुद्वीक्ष्य राजा ज्ञानत्रयीमयः / ___ अवोचनाऽनयोः कोऽपि मध्ये जेता भविष्यति // 288 // पृष्ट तत्कारणे प्राह इमौ रत्नपुरस्थितौ / बलीवदं वाहयन्तौ भरते वणिजौ पुरा // 289 // मिथ्यादृशौ वञ्चनया कुर्वाणौ कलहं मृतौ / सुवर्णकूलापुलिने जज्ञाते वन्यवारणौ // 290 // यूथलोभेन युद्धाय सज्जौ मृत्वा बभूवतुः / अयोध्यायां नन्दमित्रगृहे द्वौ महिषौ रुषा // 291 //
