________________ 6.10 श्रीसिद्धसेनदिवाकरप्रणीता समं संशय्यते यत्र सामान्यमलिनं धिया / विचारं पुनरुक्तार्थ विशेषाय स संशयः // 8 // प्रतिज्ञानिर्णयो हेतुर्दृष्टान्तं बुद्धिकारणम् / प्रमाणहेसुदृष्टान्तजातितस्तिदुक्तयः // 9 // लोकधर्मोऽभ्यनुज्ञातः सिद्धान्तो वाग्नियामकः / अङ्गधर्मविकल्पाभ्यां प्रमेयोपचयाचयौ // 10 // . अविद्यार्थानवगमो विरूपाप्रतिपत्तितः / . . हेत्वाभासश्च निर्वादेष्वियमेव तु भूयसी // 11 // .. किञ्चित् सामान्य-वैशेष्यादयुक्तार्थोमपादनम् / छलं तदिति वैस्पष्टयाद् वाच्याभिप्रायभेदतः // 12 // व्यभिचारात् परं नास्ति परपक्षप्रदूषणम् / हेतुपर्यन्तयोगाच्च तस्मात् पक्षोत्तरो भवेत् // 13 // संशयः प्रतिदृष्टान्तविरोधापत्तिहानयः / / प्रतिपक्षविकल्पौ च व्यभिचारार्थपर्ययाः // 14 // अकारणत्वान्निर्देशा साध्यत्वाद्यनुयोगजः / हेत्वन्तराभ्युपगमः पुनरुक्कादतः परम् // 15 // एकपक्षहता बुद्धिर्जल्पवाग्यन्त्रपीडिताः / श्रुतसंभावनावैरि वैरस्यं प्रतिपद्यते // 16 // तानुपेत्य वितण्डाऽस्ति नयस्येति विचारणा / सैव जल्पे विपर्यासो वितण्डैवेति लक्ष्यते // 17 // न सिद्धान्ताभ्युपगमादितरः सार्वतन्त्रिकः / यस्येत्युक्तमनेकान्तादितरं नानुषज्यते // 18 //
