________________ __ अहम् / विक्रमादित्यनृपालप्रतिबोधकेन वादिवृन्दारकवृन्दवारणपञ्चाननेन कमनीयतमकवितालतालवालकल्पेन तुलनातीतकल्पनाशिल्पशिल्पिशेखरेण सूरिशेखरेण भगवता श्रीसिद्धसेनदिवाकरेण प्रणीताद्वात्रिंशद् द्वात्रिंशिकाः। 1. तत्र प्रथमा द्वात्रिशिका। स्वयम्भुवं भूतसहस्रनेत्रमनेकमेकाक्षरभावलिङ्गम् / अव्यक्तमव्याहतविश्वलोकमनादिमध्यान्तमपुण्य-पापम् // 1 // समन्तसर्वाक्षगुणं निरक्षं स्वयम्प्रभं सर्वगतावभासम् / अतीतसंख्यानमनन्तकल्पमचिन्त्यमाहात्म्यमलोकलोकम् // 2 // कुहेतु-तर्कोपरतप्रपञ्चसद्भावशुद्धाप्रतिवादवादम् / / प्रणम्य सच्छासनवर्धमानं स्तोष्ये यतीन्द्रं जिनवर्धमानम् // 3 // [ त्रिभिर्विशेषकम् ] न काव्यशक्तेर्न परस्परेीया न वोरकीर्तिप्रतिबोधनेच्छया / न केवलं श्राद्धतयैव नूयसे गुणज्ञपूज्योऽसि यतोऽयमादरः // 4 // परस्पराक्षेपविलुप्तचेतसः . स्ववादपूर्वापरमूढनिश्चयान् / समीक्ष्य तत्त्वोत्पथिकान् कुवादिनः कथं पुमान् स्याच्छिथिलादरस्त्वयि ? // 5 //
