________________ जीतकल्प सभाष्य 2. कयपवयणप्पणामो, वोच्छं पच्छित्त-दाणसंखेवं। जीयव्ववहारगतं, जीवस्स विसोहणं परमं॥१॥ पवयण दुवालसंगं, सामाइयमादि बिंदुसारंतं / अहव चउव्विध संघो, जत्थेव पतिट्ठियं नाणं // अहवा पगतपसत्थं, पहाणवयणं व पवयणं तेण। अहव' पवत्तयतीई, नाणादी पवयणं तेणं // जीवादिपयत्था वा, उवदंसिज्जंति जत्थ संपुण्णा। सो उवदेसो पवयण, तम्मि करेत्ता णमोक्कारं // वोच्छं वक्खामि त्ती, पच्छित्तं दसह एय उवरिं तु / वण्णेहामि सवित्थर, किं भणितं होति पच्छित्तं? // पावं छिंदति जम्हा, पायच्छित्तं ति भण्णते तेणं। पायेण वावि चित्तं२, सोहयती तेण पच्छित्तं // पणगादी आवत्ती, णिव्विगतियमादि एत्थ दाणं तु / संखेव समासो त्ति व, ओहो त्ति व होंति एगट्ठा // किं अत्थी अण्णे वी, ववहारा जेण जीतगहणं तु?। भण्णति चउरऽत्थऽण्णे, आगममादी इमे सुणसु॥ पंचविधो ववहारो, दुग्गतिभवमूरगेहिँ पण्णत्तो। आगम सुत आणा धारणा य जीते य पंचमगे / आगमतो ववहारो, सुणह जहा धीरपुरिसपण्णत्तो। पच्चक्खो य परोक्खो, सो वि य दुविधो मुणेतव्वो // 1. अहवा (पा)। २.चित्त इति जीवस्याख्येति (व्यमटी)। ३.विसोहए (व्य 35) / ४.पंचा 16/3 / 5. “गईय' (ला)। ६.संखेवो (पा)। 7. वचूरगेहि (व्य 4028) / ८.व्य 4029 /
