Paiavinnankaha Part 02

SR No.: 004269
Original Sutra Author: N/A
Author: Kastursuri, Somchandrasuri
Publisher: Rander Road Jain Sangh
Publication Year: 2005
Total Pages: 254
Language: Hindi, Sanskrit
Classification: Book_Devnagari
File Size: 38 MB

Page 85

56 पाइअविनाणकहा-२ तया सीसो वि तत्थ समागच्छंतो धूलिं पक्खिवंतं तं पासिऊण पुच्छेद-भंते ! धूलीपक्खेवणेण किं ढक्केसि ? पुव्वं तु गुरू न वएइ, किंतु सीसस्स अईव निब्बंधेण तेण कहियं-मग्गम्मि कासइ भूसणं पडियं, तं पासित्ता तुम्ह मोहो न जायए तेण मए धूलिए एयं ढक्कियं / सीसो सहेइ-धूलीए उवरिं धूलीपक्खेवणेण किं ? / एवं सोच्चा संजायच्छेरो गुरू वियारेइ / ममत्तो मम सीसो अहिगवेरग्गवासियचित्तो अत्थि, जेण मम भूसणदिट्ठी अत्थि, अस्स उ भूसणम्मि धूलीसरिसदिट्ठी होइ / महप्पाणो मणिम्मि लेझुम्मि य समचित्ता हुविरे / एवं वियारिऊण सो वि समचित्तो सव्वत्थ संजाओ / एवं अप्पकल्लाणकंखिरेहिं सव्वेहिं पोग्गलियवत्थूसुं समचित्तेहिं होयव्वं / / उवएसो नायगं गुरूसीसाणं, समभावेण भूसियं / नचा तुम्हे वि सव्वत्थ, समचित्ता हवेह भो ! / / 2 / / सञ्चवेरग्गम्मि गुरूसीसाणं एगहत्तरियमी कहा समत्ता / / 71 / / -गुज्जरभासाकहाए बिहत्तरियमी 'सप्पा गया रेहा संठिआ' इअ नाएण पुव्वुप्पन्ननरसरिसा वट्टमाणकलिकालम्मि मणूसा / न होजा-इह नरवइ-माहणविउसाणं कहा 72 जारिसा पुवकालम्मि, मणूसा सत्तसालिणो।। तारिसा अज्ज नो संति, सत्तविहीणभावओ / / 1 / / एगो नरिंदो एवं चिंतेइ-जो नरो जलपुण्णं घडं पिवेइ तस्स दाणं दायव्वं / तत्थ बहवो माहणा विउसा य आगच्छंति, राया तं जलभरियघडजलपाणाय कहइ / तेसिं को वि पुण्णघडजलं पिविउं पक्कलो न जाओ, राया कास वि दाणं न देइ / एवं बहुणो विउसा समागच्छंति / के वि पुण्णं घडजलं पाउं न चएइ, महीवई दाणं च न देइ / एगया को वि विउसो दाणस्स अदाणकारणं नच्चा हत्थम्मि एगं महंतं पाहाणं घेत्तूणं निवस्स पुरओ समागओ / भूवई घडजलपाणटुं कहेइ / सो नेच्छइ / तइया नरवई कहेइ-तुम्हाणं पुव्वपुरिसो अगत्थमहारिसो जो संजाओ सो समुद्दजलं पिवित्था, तुं तु अप्पं पि घडजलं पिविउं किं न समत्थो ? / सो कहेइ-एवं पाहाणं जलम्मि तारेसु, तइया अहं घडजलं पिवेमि / राया वएइ जलोवरिं पाहाणो कहं तरेज्जा ? / सो विउसो साहेइ-तुम्हाणं पुव्वओ रामचंदो लंकागमणसमए समुद्दम्मि पहाणेहिं सेउं निबंधित्था, तुं तु तस्स वंसम्मि संजाओ