Page Text
________________ 52 पाइअविनाणकहा-२ हारो मम पुव्वयाणं न उ देवपायाणं इअ तेण वुत्ते राया अवोच-जइ इत्थं तइया कुबेरजक्खगेहपवेसरूवं दिव्वं कुणाहि ? / सो य जक्खो नियमंदिरपविढं असञ्चवाइं हणेइ, सञ्चवाइं च पूएइ त्ति पसिद्धी / सइवो वि साहसं धरित्ता संझाए पउरजणसमक्खं जक्खगेहं पविट्ठो / 'अयं असञ्चवाई पावी मम गेहं पविट्ठो अत्थि' इअ कुद्धो जलणजालं वमंतो भूमिं कंपाविंतो लोहमुग्गं च करम्मि वहंतो सक्खं जमो विव सो जक्खो पयडीहूओ / रे पाव ! असञ्चवाई तुमं अज्ज मोग्गरेण खंडसो कुणेमि त्ति वयणपरं तं मंती वयासी-हे जक्खराय ! पढमं आजम्मभवं मम एयं संसयं छिंदाहिं ? तओ तयणु जहरुइं कुणेसु इअ तेण वुत्ते 'वयाहि तं संसयं' ति जक्खेण भणिए सो कहित्था तहा हि फलवड्डिपुरम्मि धरण-करणनामाणं कुडुंबीणं पिउपुत्ताणं भज्जाओ मयाओ / अन्नाओ भज्जाओ विहेउकामा ते दुण्णि मणोरमं पुरं पत्थिआ / ते मग्गम्मि गच्छंता पुरओ गच्छंतीणं इत्थीणं पयाइं पासित्था / तीओ इत्थीओ मायरपुत्तीओ होत्था / तहिं माया वामणा, तेण तीए पयाइं लहूई, पुत्ती य पलंबिणी, तेण तीए पुत्तीए पयाई महंताई / ताणं पयववत्थं विलोइऊण धरणो भणित्था-हे पुत्त ! जइ दइव्ववसाओ इमाओ इत्थीओ अम्हे अंगीकरिस्संति तइया महंतपया मम गेहिणी लहुपया य तुव त्ति ते दुण्णि मिहं पइजाणित्था / अह मिलियाहिं ताहि इत्थीहिं ताणं वयणेसुं अंगीकुणंतेसुं ताओ उभाओ वि भज्जाओ संजाया / 'अह ताणं चउण्हं पि उप्पन्नाणं अवञ्चाणं मिहं को संबंधो' इअ मम हिययम्मि संसओ अस्थि / तम्मि संसयावट्टम्मि पडियस्स 'किं वएमि' त्ति चिंतमाणस्स कुबेरजक्खस्स पमायं संजायं / तइया पभायम्मि संजाए तं मंतिं तहेव मोत्तूणं तिरोहिए जक्खे ‘मंती सञ्चो' त्ति पूअगेण विनविए विम्हिओ राया मंतिं सक्कारित्ता विसज्जित्था / अह कियंतेसु दिणेसुं गएसुं मंती तं हारं रण्णो दाऊणं हारचोरेण जक्खवंचणाइवुत्तंतं कहिऊण नियपडिवण्णम्मि समहियकलाभणणम्मि अभिहिए तुट्ठो राया तं विसेसेण बहुं मन्नित्था / उवएसो-, मइसेहरमंतिस्स, नञ्चा कजम्मि कोसलं / तह तुम्हे वि पवट्टेह, जेण होइ सिवं सया / / 2 / / बुद्धीए पहावम्मि मइसेहरमंतिओ एगूणहत्तरियमी कहा समत्ता / / 69 / / -कहारयणायराओ 70 - - सत्तरिअमी सुहकम्मविहाणओ सूलीए भोत्तव्वं कम्मं सूईए अवगच्छेइ, इह रायपुत्तस्स कहा ---------- सूलीभोत्तव्वकम्मं जं, धम्मकजविहाणओ / / सूईए तं तु नस्सेज्जा, रायपुत्तो जहा इह / / 1 / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |