Page Text
________________ पाइअविनाणकहा-२ सा चंदलेहा निच्चलदेहा तव्वयणवज्जपहयावि सम्मत्तं न खंडेइ, तग्घाए मंडणं पिव मुणेइ, जाव रक्खसाभीया महासत्ता नियनियमं न भंजए ताव पवणाहया मेहा ते रक्खसा खणेणं अद्दिसभावं उवागया / तओ तीए मत्ता करिणो महाघोरा सिंहा विय विउव्विया, ताणं वि उवसग्गेहिं सा सज्झाणाओं न खलिया / सा दुट्ठा धिट्ठा वंतरी सूरी पुणो वि देवमायाए दुल्ललियनिवं केसेसुं धरिऊणं तं पइ दंसिऊण साहेइ-रे रे मुद्धे ! मम अग्गओ एवं कवडधम्म मुंचाहि, अन्नह तुव पाणपियं निस्संसयं अहं मारिस्सं ! / सा चंदलेहा तं सुणिऊणं मोणं अवलम्बित्ता विसेसेण झाणपरा चिट्ठइ, तया कूडनिवो तीए पुरओ करुणसरं रोएइ, विलवंतो वएइ-'दइए ! तुं एयं धम्मकिरियं मुंचसु, जेण एयाओ कट्ठाओ छुट्टेमि, कुलंगणाओ नियं कंतं नियजीवियदाणेण वि रक्खेइरे / तओ सा चंदलेहा चिंतेइ-भवे भवे पिययमो जायइ, न उण जिणीसरवुत्तो धम्मो, तम्हा जं वा तं वा होउ, न नियनियमं खंडेमि एवं झायंतीए तीए खीणेसुंघाइकम्मेसुं सव्वसंदेहहरं लोगालोगपयासगं केवलनाणं समुप्पन्नं / आसन्नट्ठियदेवीहिं झत्ति तीए दव्वलिंगं समप्पियं, तत्तो तीए वि सिरम्मि चउमुट्ठिहिं लोओ कओ / तओं देवविहिए सुवण्णकमलम्मि उवविसित्ता धम्मदेसणं विहेइ, सा वंतरी वि पयडी होऊणं तं खामेइ / तओ सा केवलिणी दुल्ललियनरिंदेण संजुअं नयरलोगं पडिबोहिऊणं सिरिसत्तुंजयगिरिवरसिहरम्मि निव्वाणं संपत्ता / नायं नाउं भुवणमहियं चंदलेहासईए, सम्मत्तम्मी वयचयमहा-रुक्खमूलायमाणे / नो कायव्वो नरगजणगो जीवियंते वि भंगो, जेणं तुब्भे लहह सयलं सासयं मुक्खसुक्खं / / 11 / / उवएसो चरित्तं चंदलेहाए, सम्मत्तगुणदीवणं / सोञ्चा धरेह सम्मत्तं, सासयसोक्खसाहणं / / 12 / / सम्मत्तविसुद्धीए चंदलेहाए अडसट्ठियमी कहा समत्ता / / 68 / / ___-सम्मत्तसत्तरिवित्तीए आयरियविजयकत्थूरसूरिणा सम्मत्तसत्तरिवित्ति-अंतग्गयकहाओ उद्धरिऊणं विरइयं एयं पाइयगज्जमइयं सिरिचंदलेहाचरियं समत्तं / / 1. स्वध्यानात् / / 2. 'भो भो भव्याः' इति पद्यानुसारेण गीयते / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |