Page Text
________________ अरइचारित्तमोहुदयम्मि खुल्लगकुमारसमणस्स कहा-६७ 37 ललियचरणचारेणं घरंगणे चंकमंती' पुंडरियनरिंदेण एगया दिट्ठा / तओ खलियचित्तस्स तस्स हियये मयणबाणा लग्गति, तओ तीए मुच्छियमणो कुलमज्जायं लज्जं च मुंचइ / जओ वुत्तं ते विरलचिय धीरा, जेसिं पररमणीरूवदिट्ठीए / हियएण समं दिट्ठी, पच्छाहुत्तं वलइ झत्ति / / 3 / / तो एस पुंडरिओ तीए रूवम्मि मुच्छिओ संतो रइं अलहंतो तीए समीवम्मि दूई पेसइ / दुई वि तत्थ गंतूण कहेइ तं-'देवि ! तवोवरिं निवस्स चित्तं अइमत्तं, ता पसीय, अणुरत्तं तं पइं पडिवज्जसु' / जसभद्दा वि चिंतइ-'फुरियकिरणोहं दिणमणिबिंब पि दुरुज्झिय-गुरु-लहुवियारं अंघयारं उग्गिरइ' / दूइहुत्तं च भणइ-परिचत्तसकुलमज्जाओ राया जं एवं अणुरज्जइ, नियभाउणो वि कहं न लज्जइ ? दूई एवं तीए वयणं गंतूण निवस्स साहइ / सो वि य गिद्धो लुद्धो लहुयं बंधवं मरावेइ / जसभद्दा वि रण्णो निग्घिणचरियं निरिक्खिऊण सिग्धं आभरणाइं गहिऊण नियसीलरक्खणटुं तओ नासेइ / _कमेण सत्येण सह मग्गे वञ्चंती सा सावत्थिं पुरिं पत्ता / तत्थ पडिवनजणयभावस्स थरेवणियस्स गेहे दुहियाविव दुहियावित्तीए चिट्ठइ / एगया सिरिजयसेणसूरिगुरूणो कित्तिमइमहयरीसमीवम्मि पायपउमवंदणत्थं पत्ता सा नियचरियं साहेइ / सा महयरी धम्मुवएसं देइ / तं सोऊण पञ्चागयसंवेगा अकहियपच्छन्नगब्भा सा सुद्धसद्धाए पवजं पडिवज्जइ / पडिवखंते गब्भे महयरी पुच्छइ 'किमेयं' ति / भणइ य -तुम्हे दिक्खं न दासह त्ति मया पुट्विं गब्भो न कहिओ / सा सज्जायरीधरंमि ठविया / कालक्कमेण तीए पुत्तो जाओ, वड्ढ्तो समए पडिवन्नवओ खुड्डगकुमारो त्ति जाओ / तयणु सो जोव्वणारंभे मेरुगिरिगरुयं सीलभरं उव्वोढुं अचयंतो ओहावणाणुपेही जाओ, उन्निक्खमिउं इच्छंतो जणणिं पुच्छइ / सा 'असुहस्स कालहरणं' त्ति वियारिऊण भणेइ-वच्छ ! मज्झ वयणेण बारसवरिसाई जाव पुज्जति ताव अच्छसु / पुण्णेसुं तेसुं अरई पत्तो पुणो वि पुच्छइ / माया कहेइ-आयरियाहीणा अहं, तओ सूरिं पुच्छसु / तओ सो सूरिस्स समीवम्मि गओ / तत्थ वि सूरीणं वयणेण तत्तियमित्ताई वरिसाइं चिट्ठइ / तेसु वि पज्जंतेसुं चारित्तमोहदोसेण अरओ उवज्झायवयणाओ वि य पुणो तित्तियं कालं अच्छइ / वयग्गहणाओ अडयालीसवरिसेहिं तस्स संजमे रई न संजाया, तेण इमं अरइनाम पावट्ठाणं / तओ सो जणणि पुच्छेइ, मायाए सो उवेहिओ / गमणकाले तस्स पिउनामंकियमुद्दारयणं कंबलरयणं च अप्पिऊण माऊए सो भणिओ-साकेए तुह महल्लओ पुंडरिओ जणओ नरिंदो अत्थि, तस्स पञ्चयहेउं इमं मुद्दारयणं वच्छ ! दंससु / सो तुमं रज्जं दाहिइ / कालक्कमेण सो साकेयं पत्तो, तम्मि य समयम्मि तत्थ पेक्खणारंभो अत्थि / सो रसिओ सयलंपि रयणिं तं पेक्खणं पेच्छइ / अइरंगे वट्टते पभायसमयम्मि संता निद्दाधुमियनेत्ता नट्टिया, तओ सा सहयरियाए वुत्ता-- 1. भ्रमन्ती / / 2. दृष्ट्या / / 3. पश्चादभिमुखम् / / 4. दूतीसन्मुखम् / / 5. दुहितेव / / 6. अवधावनानुप्रेक्षी संयमविमुखः / / 7. पूर्यन्ते / / 8. उपेक्षितः / / 9. श्रान्ता / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |