________________ तवपहावोवरिं रायकण्णा विसल्लाए कहा-६४ 31 पडिया सत्तहत्थावग्गहाओ बाहिरं मरणंतेऽवि न गंतव्वं ति अणसणेण संठिआ / नियमस्स छठे दिवसे वोलीणे' एत्यंतरे तीए पिउमित्तो सोदासखेयरो मेरुसिहरजिणणाहे वंदित्ता तत्तो नियत्तो तत्थ अरण्णे समागओ समाणो तं पासेइ, पासित्ता गेहे आगमणाय कहेइ / कयभत्तपरिच्चाया सा निसेहेइ / तया सो खेयरो चक्कवट्टिपासम्मि समागंतूणं सव्वं कहेइ / सपरिवारो चक्कवट्टी तेण सह तत्थ आगच्छेइ, तम्मि समयम्मि सामलकराल-जमरायबाहुदंडसरिसेण अयगरेण अद्धगसिज्जमाणं तारिसं तं दळूणं अयगरवहाइ चक्की जाव आदिसेइ ताव करुणारसमन्थरगिराए बालाए ‘तवसोसियस्स गयजीवियस्स अथिररूवासारदेहस्स मज्झ कए बहुदिवसछुहापरिपीडिएण इमिणा उरगेण मारिएण किं' ति चक्कवट्टी वारिओ, मए उ अणसणं संगहिअं / जओ उत्तं खजंतीए वि तहिं, बालाए सो हु अयगरो पावो / नो मारिओ किवाए, मंतं जाणंतियाए वि / / 2 / / एवं तीए सव्वो उवसग्गो समयाए सोढो / एवं सरूवं पासित्ता वेरग्गवासिओ बावीससहस्सपुत्तेहिं सह चक्कवट्टी परिव्वइओ / सा दयाइ अयगररक्खणेण सुहज्झाणप्पहावेण य देवलोगं गया / पुणव्वसू तव्विरहेण दुमसेणमुणिपासे सणियाणं संजमं पालिऊण देवलोगे उप्पण्णो, तओ चइत्ता लक्खणो' वासुदेवो जाओ / सा बाला देवलोगाओ चइऊण इह कोउगमंगलपरे दोणमेहहनरिंदपुत्ती विसल्ला जाया, गब्भे आगया समाणा तीए पहावेण माया वि रोगमुत्ता जाया, जायाए तीए सिणाणजलेन नयरं पि रोगरहियं जायं, जओ जेणं चिय अण्णभवं, तवञ्चरणं अज्जियं सउवस्सग्गं / तेण इमा विसल्ला, बहुरोगपणासिणी जाया / / 3 / / उवएसो रायपुत्तिविसल्लाए, तवफलनिवेयगं / दिळेंतं सोहणं णञ्चा, तवम्मि उज्जमं कुण / / 4 / / तवस्साए पहावम्मि विसल्लाए रायकण्णाए चउसटिइमी कहा समत्ता / / 64 / / —सिरिपउमचरियाओ 1.. अतिक्रान्ते / / 2. लक्ष्मणः / /
