Page Text
________________ तिसट्ठिमी सामाइयम्मि वुड्डाए कहा -- ------------ सुवण्णलक्खदाणाओ, सामाइयम्मि भावओ। फलं अईव नायव्वं, वुड्डा एत्थ नियंसणं / / 1 / / एगम्मि नयरम्मि एगो धणड्डो दाणी सेट्ठिवरो आसि, ‘दाणेण भोगा लहिज्जंति' इअ गुरुवयणसवणेण सो सेट्ठी पइदिणं पत्तापत्तगवेसणं अकिच्चा पभायसमयम्मि लक्खसुवण्णस्स दाणं दाऊणं पच्छा गिहकम्माइं कुणेइ / अण्णं च तस्स गिहसमीवम्मि एगा वुड्ढा नारी वसइ, सा वि सइ पञ्चूसम्मि नमुक्कारमहामंतसुमरणपुव्वयं सामाइअं काऊणं पच्छा गेहकिच्चाई समायरेइ, / एगया केणावि कारणेण सेट्ठिणो दाणम्मि, वुड्ढाए अ सामाइयम्मि अंतराओ जाओ / तेण दुण्हं पि विसाओ संजाओ, थेरीए विसायं नच्चा सो सेट्ठी गव्वेण साहेइ-हे वुड्ढे ! तुं किं झूरेसि ? जइ वत्थंचलेण हत्थाईणं पमज्जणं न जायं तत्तो तुव किं विगयं ? तत्थ किं पुण्णं सिया ? तुव सामाइयकम्मम्मि कोवि दव्वव्वयो न दिट्ठो, जइ एअप्पयारेण धम्मो सिया तइया सव्वे वि सइ तं चेव कुणेज्जा, न कोवि लक्खसुवण्णस्स दाणं कुज्जा / एवं सोच्चा सा थेरी वएइ-मा एरिसं वयाहि जइ सुवण्णमणिमइयसोवाणजुअं जिणपासायं करावेज्जा, तत्तो वि सामाइयम्मि अहियं फलं जिणिंदेहिं वुत्तं, जओ दिवसे दिवसे लक्खं, देइ सुवण्णस्स खंडियं एगो / ___इयरो पुण सामाइय, करइ न पहुप्पए तस्स / / 2 / / सो सेट्ठी धम्मसरूवं अयाणंतो तहाविहं च दाणं दितो वि अंतयालम्मि अट्टज्झाणेण मञ्चुं पाविऊण रण्णम्मि हत्थी संजाओ / सा वि वुड्ढा साविगा सामाइयस्स पहावेण पजंते नमुक्कारमहामंतज्झाणपरा मारिऊण तस्स च्चिय नयरम्मि रण्णो कण्णा जाया / एगया सो गयंदो रायपुरिसेहिं गहिओ रण्णो य पट्टहत्थी संजाओ / कयाई सो पट्टहत्थी रायपहम्मि गच्छंतो नियं घरं परिवारं च पासेइ, पासिऊणं ईहावोहं कुणंतो जाईसरणं पाविऊणं मुच्छाइ पुढवीए उवरिं पडिओ / तस्स तारिसावत्थं विलोइउं अणेगे जणा तहिं संमिलिया, सा रायकण्णा वि तत्थ समागया / सा नियघरं ठूणं जाईसरणं पत्ता, जाइस्सरणेण नियं हत्थिणो य पुव्वभवं नञ्चा गइंदं उट्ठावेइ, जया सो न उठेइ तया सा रायकण्णा वएइ उद्वेसु सेट्ठि ! मा कुण, भंति' अविवेगदाणओ हत्थी / तुं जाओ हं रण्णो, कण्णा सामाइयपहावा / / 3 / / तओ गयवर ! 'दव्वदाणाओ सामाइयम्मि अहिगं फलं' ति जाणियव्वं / रायकण्णाए वयणं सोच्चा सो हत्थी उट्ठिओ / तइया नरिंदप्पमुहाणं महंतं अच्छेरं समुप्पण्णं, नरवइणा रायकण्णा पुट्ठा-'पुत्ति ! किं एयं' ति ? तीए दुण्हं पुव्वभवस्स वुत्तंतो कहिओ / एवं सुणिऊण सव्वेसिं सामाइयकिञ्चम्मि सद्धा उप्पण्णा / सो गयंदो रायकण्णावयणेण पडिबुद्धो नमोक्कारमहामंतसुमरणतल्लिच्छो उभओ कालं रायकण्णाए पुरओ पुहवीए उवरिं हिट्ठदिठिं ठविऊण मुहुत्तकालं जाव सइ समभावरूवं सामाइयं विहेइ / 1. स्थविरायाः / / 2. भ्रान्तिम् / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |