Page Text
________________ दोहग्गदोसम्मि माहणकुडुंबस्स कहा-६२ तेण तहिं कोडिसंखं धणं दिटुं, वियारिअं च सिवदेवप्पहावेण मए एयं लद्धं। सव्वं तं धणं पवहणम्मि आरोविऊण 'अलं वावरेण' त्ति चिंतिऊण नियनयरे समागओ / एवं सो वणिओ सिवदेववरेण महासमिद्धिमंतो नयरजणमाणणीओ य संजाओ, कास वि धणिअस्स कण्णा वि तेण परिणीआ, कमेण तिण्णि पुत्ता जाया, तस्स गेहम्मि पुत्तवहूओ वि समागया, तओ वसणटुं मालगत्तयभूसियो पासाओ निम्मविओ, बहुआई गोधणाई पि संचिणिआई, एवं सो सिवदेवदिण्णवरप्पहावेण तिमालगस्स पासायस्स बीअमालगमज्झभागे सुवण्णकलसीए तक्कं कुणंतिं मज्झमपुत्तवहुं पासेइ, पासिऊण नियमइविहवेण पत्थिअसिवदेस्स किवाए य सव्वं लद्धं ति नियमई पसंसेइ / एवं सो वणिओ सिवदेवकिवाए सुही जाओ / एगया सो विआरेइ-'मए एगवरेण सव्वं एरिसं लद्धं, तया तेण माहणेण तोहिं वरेहिं कियंतं लद्धं होही ? ताणं सरूवदंसणटुं बहवो सिरिमंता माहणा आहविआ, सव्वे अ ते भोयणवत्थाईहिं सक्कारिआ सम्माणिआ य / तह वि ते न दिट्ठा, तओ अण्णनयरम्मि माहणमित्तस्स गवेसणहूँ नियपुरिसा वि पेसिआ, तह वि तस्स सुद्धी न लद्धा / ___इओ अ सो माहणो तस्स य भज्जा पुत्तो अ सिवदेववरं लभ्रूण ‘किं मग्गियव्वं' ति वियारंता दोहग्गदोसेण किंपि इटुं अपासमाणा तओ निग्गच्छिऊण भिक्खावित्तीए आजीविगं कुणंता गामाओ गामं अडमाणा छमासपज्जंते एगम्मि नयरे समागया / तत्थ एगस्स वडरुक्खस्स हि दुम्मि निवासो विहिओ / माहणो तस्स य पुत्तो भिक्खणत्थं नयरम्मि निग्गया / तइआ गामम्मि महूसवपसंगो होत्था, तेण सव्वाओ इत्थीओ विहूसिअसब्वंगीओ गीयगाणं कुणंतीअ महूसवसुहं अणुहवंतीओ विहरंति / सा माहणी तारिसीओ तीओ दट्ठणं तीए वि वत्थाभूसणभूसिअसुंदररूवजोव्वणजुत्तसुंदरी भवणिच्छा जाया, मणदुब्बलत्तणेण विम्हरिअ पइनेहाए तीए सिवदेवो पत्थिओ-हे सिव ! तुमए पुव्वं वरेण दिण्णेण अहुणा वसणालंकारभूसियंगी सोलसवारिसिई सुंदरी हं होज्जा / तक्खणं तेण देवेण मग्गियाणुसारेण सव्वजुवईवृंदाओ वि सुंदरंगी सुंदरी कया / तया तस्स नयरस्स नरिंदो संतेउरो नयरीसोहादसण निग्गओ होत्था, सो तत्थ आगओ समाणो तं सुंदरिं पासिऊणं तीए रूवम्मि अञ्चंतासत्तो जाओ, सा वि तं पेक्खित्ता नियरूवजोग्गो एसो इअ विआरिऊण तम्मि नेहवई जाया, तीए विआरिअं च एयस्स नरिंदस्स महिसी भवामि तइआ सोहणं होज्जा / ताणं ट्ठिी परुप्परं मिलिआ / मयणपरवसीभूओ निवो तं कहेइ-'जइ तुमं मं अभिलसेसि तया मए सद्धिं आगच्छसु' / सा वि नरिंदरूवविमूढा तेण सह चलेइ / राया तं अंतेउरम्मि नेऊण महिसीपए ठवेइ / इओ माहणो तस्स य पुत्तो वडतरुसमीवम्मि समागया समाणा माहणिं अपासिऊण समीवत्थिए जणे पुच्छेइरे / ते कहिंति-इह वडतरुहिट्ठट्ठिआ नारी जा भिक्खुगीसरिसी होत्था, सा अकम्हा दिव्वरूवा संजाया / सा एत्थ आगएण नरिंदेण सद्धिं गया / तेण माहणेण चिंतिअं-नूणं सिवदेवदिण्णवरपहावेण सा एरिसी जाया, तओ कुद्धो माहणो सिणाणं काऊणं सिवदेवं पत्थेइ-सिवदेव ! मम भट्ठसीला भज्जा जाया तओ सा अहुणा तुमए दिण्णेण वरेण छाली होज्जा ति / माहणपत्थणाणंतरं अंतेउरे संठिआ सा माहणी बक्करी भूआ / नरिंदो 1. षोडशवार्षिकी / / 2. छागी अजा / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |